4. fundur innviðanefndar haldinn í bæjarstjórnarsal, miðvikudaginn 15. janúar 2025 og hófst hann kl. 15:00.

Fundinn sátu:
Lilja Ósk Sigmarsdóttir, varaformaður,
Hjálmar Hallgrímsson, formaður,
Unnar Á. Magnússon, aðalmaður,
Páll Jóhann Pálsson, áheyrnarfulltrúi. 

Einnig sátu fundinn:
Sigurður A Kristmundsson, hafnarstjóri,
Elísabet Bjarnadóttir, sérfræðingur skipulags- og umhverfissviðs,
Guðjón Bragason, Lögfræðingur. 

Fundargerð ritaði:  Sigurður A. Kristmundsson, hafnarstjóri.

Dagskrá:

1.      Endurskoðun aðalskipulags 2024 - 2412019
    Til umfjöllunar: Vinnuhópur við gerð hættukorts. 
Til þess að endurskoðun aðalskipulags geti átt sér stað, þarf að setja á fót vinnuhóp til að gera hættukort fyrir byggðina. Í þeim hópi þurfa að vera sérfræðingar af viðeigandi sviðum. Leitað var ráða hjá Skipulagsstofnun og Veðurstofu Íslands. Sem aðalsérfræðingar mælti VÍ með ÍSOR enda þeir unnið að jarðkönnun á svæðinu síðastliðið ár og mánuði. 

Skipulagsfulltrúa falið að vinna málið áfram.
         
2.      Gjaldskrá Grindavíkurhafnar 2025 - 2501002
    Tillaga að þjónustugjaldskrá Grindavíkurhafnar fyrir árið 2025 

Hafnarstjóri leggur til 5% hækkun á þjónustugjöld hafnarinnar fyrir árið 2025. Aflagjöld haldast óbreytt fyrir sama tímabil. Innviðanefnd samþykkir tillögu hafnastjóra og vísar málinu til staðfestingar í bæjarstjórn. 
         
3.      Umsókn um framkvæmdaleyfi - 2501011
    Landsnet sækir um framkvæmdaleyfi fyrir breytingu á Svartsengislínu 1, sem felur í sér að reisa nýja stálmastralínu austan við núverandi leið yfir hraun, alls um 2,3 km., sbr. nánari lýsingu í umsókn um framkvæmdaleyfi ásamt fylgigögnum með umsókn. 

Tilgangur framkvæmdarinnar er að bregðast við yfirvofandi náttúruvá og verja mikilvæga innviði gegn hraunrennsli. Framkvæmdin er í samræmi við gildandi aðalskipulag Grindavíkurbæjar 2018-2032. 

Fyrir liggur undanþága frá umhverfis-, orku- og loftslagsráðuneyti, dags. 13. janúar 2025, frá málsmeðferð samkvæmt lögum um mat á umhverfisáhrifum framkvæmda og áætlana, nr. 111/2021, sbr. 1. mgr. 29. gr. laganna. Skiplagsnefnd samþykkir veitingu framkvæmdaleyfisins og felur skipulagsfulltrúa að gefa út framkvæmdaleyfið þegar samþykki landeiganda liggur fyrir. Í samræmi við viðauka 1.1 við bæjarmálasamþykkt Grindavíkurbæjar er um fullnaðarafgreiðslu að ræða. 
         

Fleira ekki gert. Fundi slitið kl. 16:00.

• Síðast uppfært: 21. janúar 2025