1680. fundur bæjarráðs Grindavíkur haldinn í bæjarstjórnarsal, þriðjudaginn 8. apríl 2025 og hófst hann kl. 14:00.

Fundinn sátu:
Hjálmar Hallgrímsson var fjarverandi en í staðinn sat fundinn Birgitta H. Ramsay Káradóttir, varamaður,
Hallfríður G Hólmgrímsdóttir, aðalmaður,
Ásrún Helga Kristinsdóttir, áheyrnarfulltrúi,
Sævar Þór Birgisson, varaformaður. 

Einnig sátu fundinn:
Fannar Jónasson, bæjarstjóri,
Jón Þórisson, sviðsstjóri fjármála- og stjórnsýslusviðs,
Guðjón Bragason, lögfræðingur. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Birgitta Hrund sat fundinn í gegnum Teams.

Dagskrá:

1.      Niðurrif altjónseigna - 2503032
    Gestur fundarins undir þessum dagskrárlið: Skipulagsfulltrúi Grindavíkurbæjar. 

Skipulagsfulltrúi fór yfir mögulegar útfærslur við niðurrif húsa. 

Bæjarstjóra falið að vinna málið áfram.
         
2.      Umsögn um breytingar á lögum nr. 16-2024 um kaup á íbúðarhúsnæði í Grindavik, 213. mál - 2504002
    Lögð fram til umræðu umsögn vegna 213. máls. 

Bæjarráð samþykkir umsögnina og felur bæjarstjóra að senda hana til Alþingis.
         
3.      Tilnefningu fulltrúa í stýrihóp vegna undirbúnings fyrir almyrkva 2026 - 2504001
    Samband sveitarfélaga á Suðurnesjum óskar eftir tilnefningu fulltrúa í stýrihóp vegna undirbúnings fyrir almyrkva 2026. 

Bæjarráð tilnefnir Eggert Sólberg Jónsson.
         
4.      Akstursstyrkir til starfsmanna vegna náttúruvár. - 2312074
    Gestur fundarins undir þessum dagskrárlið: Launafulltrúi Grindavíkurbæjar. 

Bæjarráð samþykkir að akstursgreiðslur verði eftirfarandi daggjald: 
Akstur 1: Suðurnes utan Grindavíkur, gjald 2.100 
Akstur 2: Önnur svæði, gjald 3.300 

Gildistaka er frá og með 16. apríl. 
         
5.      Fasteignagjöld 2025 - 2412016
    Lagt fram yfirlit yfir möguleg fasteignagjöld ársins 2025. 

Bæjarráð vísar málinu til bæjarstjórnar til ákvörðunar.
         

Fleira ekki gert. Fundi slitið kl. 15:15.

• Síðast uppfært: 10. apríl 2025