1682. fundur bæjarráðs Grindavíkur haldinn í bæjarstjórnarsal, þriðjudaginn 13. maí 2025 og hófst hann kl. 14:00.

Fundinn sátu: Hjálmar Hallgrímsson, formaður, Hallfríður G Hólmgrímsdóttir, aðalmaður, Ásrún Helga Kristinsdóttir, áheyrnarfulltrúi, Sævar Þór Birgisson, varaformaður.

Einnig sátu fundinn: Fannar Jónasson, bæjarstjóri, Jón Þórisson, sviðsstjóri fjármála- og stjórnsýslusviðs, Guðjón Bragason, lögfræðingur.

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Í upphafi fundar óskar formaður eftir heimild til að taka umsögn um frumvarp um jöfnunarsjóð inn á dagskrá með afbrigðum og það verði síðasta mál á dagskrá.

Samþykkt samhljóða.

Dagskrá:

1.      Áform Þórkötlu um að heimila gistingu í Grindavík - 2505008

Gestir fundarins undir þessum dagskrárlið: Sviðsstjóri félagsþjónustu- og fræðslusviðs, sviðsstjóri frístunda- og menningarsviðs, skipulagsfulltrúi og hafnarstjóri.

Lagt fram bréf frá Fasteignafélaginu Þórkötlu, dags. 5. maí 2025, vegna áforma um að heimila gistingu í eignum félagsins í Grindavík með gerð viðauka við hollvinasamning.

Bæjarráð lýsir ánægju sinni með að málið skuli vera komið í þennan farveg og styður heilshugar við áformin.

2.      Opnir kynningarfundir á vegum Grindavíkurnefndar og Grindavíkurbæjar - 2505010

Gestir fundarins undir þessum dagskrárlið: Sviðsstjóri félagsþjónustu- og fræðslusviðs, sviðsstjóri frístunda- og menningarsviðs, skipulagsfulltrúi og hafnarstjóri.

Áform hafa verið uppi um að halda íbúaþing Grindvíkinga fyrir sumarleyfi. Því verkefni verður frestað til næsta hausts en hins vegar verður boðað til þriggja opinna kynningarfunda á næstu vikum.

3.      Barnaverndarþjónusta Samvinna - 2501007

Gestir fundarins undir þessum dagskrárlið: Sviðsstjóri félagsþjónustu- og fræðslusviðs, sviðsstjóri frístunda- og menningarsviðs, skipulagsfulltrúi og hafnarstjóri.

Samningur (drög) um samvinnu um barnaverndarþjónustu lagðar fram til kynningar.

Bæjarráð samþykkir forsendur samningsins og felur sviðsstjóra að vinna málið áfram í samræmi við umræður á fundinum.

4.      Ársuppgjör 2024 - Grindavíkurbær og stofnanir - 2505007

Gestir fundarins undir þessum dagskrárlið: Sviðsstjóri félagsþjónustu- og fræðslusviðs, sviðsstjóri frístunda- og menningarsviðs, skipulagsfulltrúi og hafnarstjóri.

Ársreikningur Grindavíkurbæjar og stofnana fyrir árið 2024 er lagður fram.

Bæjarráð samþykkir samhljóða að vísa honum til endurskoðunar og afgreiðslu bæjarstjórnar í samræmi 18. gr. og 61. gr. laga nr. 138/2011.

5.      Forkaupsréttur vegna sölu á fiskiskipinu Hraunsvík GK-75, sknr. 1907 - 2505009

Gestir fundarins undir þessum dagskrárlið: Sviðsstjóri félagsþjónustu- og fræðslusviðs, sviðsstjóri frístunda- og menningarsviðs, skipulagsfulltrúi og hafnarstjóri.

Víkurhraun ehf., kt. 660176-0129 hefur fengið kauptilboð í skipið ásamt veiðarfærum sem eru um borð í því en án aflahlutdeilda, aflamarks og aflareynslu. Grindavíkurbæ er boðinn forkaupsréttur, sbr, 3. mgr. 12. gr. laga nr. 116/2006 um stjórn fiskveiða.

Bæjarráð samþykkir að falla frá forkaupsrétti.

6.      Frumvarp til laga um Jöfnunarsjóð sveitarfélaga, 270. mál á 156. löggjafarþingi - Umsögn Grindavíkurbæjar - 2505011

Gestir fundarins undir þessum dagskrárlið: Sviðsstjóri félagsþjónustu- og fræðslusviðs, sviðsstjóri frístunda- og menningarsviðs, skipulagsfulltrúi og hafnarstjóri.

Lögð fram umsögn um frumvarp til laga um Jöfnunarsjóð sveitarfélaga.

Bæjarráð felur bæjarstjóra að skila inn umsögninni.

Fleira ekki gert.

Fundi slitið kl. 15:15.

• Síðast uppfært: 14. maí 2025