Grindavíkurbær leggur fram tillögu að breytingu á Aðalskipulagi Grindavíkur 2018-2032 skv. 1. mgr. 36. gr. skipulagslaga nr. 123/2010. Tillagan er hér kynnt í samræmi við 2.mgr. 30 gr. skipulagslaga nr. 123/2010.
Gerðar eru breytingar á þrem stöðum í aðalskipulagi Grindavíkur:
•    Gert er ráð fyrir hreinsivirki fyrir skólp á hafnarsvæðinu í Grindavík og frárennslislögn til suðurs á Hópsnes og út í sjó. 
•    Bætt er við göngu- og reiðhjólastígum frá íbúðarsvæðum vestast í Grindavík. Tengjast þeir núverandi leiðum meðfram Nesvegi.
•    Gerð er ráð fyrir stækkun golfvallar Grindavíkur við Húsatóftir (ÍÞ2). 
Opið hús verður hjá skipulagfulltrúa á bæjarskrifstofu Grindavíkurbæjar, við Víkurbraut 62, mánudaginn 25.október frá kl. 15.00 til 15.30, auk þess sem hægt er að sjá tillöguna hér:
•    Greinagerð 
•    Uppdráttur
Að lokinni kynningu verður tillagan lögð fyrir  bæjarstjórn  til afgreiðslu fyrir auglýsingu. Á auglýsingatíma tillögunnar gefst hagsmunaaðilum og almenningi kostur á að skila inn formlegum athugasemdum og umsögnum.

• Síðast uppfært: 22. október 2021