1641. fundur bæjarráðs Grindavíkur haldinn í bæjarstjórnarsal, þriðjudaginn 18. apríl 2023 og hófst hann kl. 15:00.
 

Fundinn sátu:
Hjálmar Hallgrímsson var fjarverandi en í staðinn sat fundinn Birgitta H. Ramsay Káradóttir, varamaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. Einnig sátu fundinn: Jón Þórisson, sviðsstjóri fjármála- og stjórnsýslusviðs, Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.

Í upphafi fundar óskaði varaformaður eftir heimild til að taka inn 2 mál á dagskrá með afbrigðum sem 3. mál:

2303089 - Sérskóli - Beiðni um skólavist og sem 5. mál:

2304042 - Sorpflokkun við heimili - borgað þegar hent er, innleiðing.

Samþykkt samhljóða.

Dagskrá:

1.Rafrænar undirritanir - Fundargerðir - 2301121
Skjalastjóri situr fundinn undir þessum dagskrárlið. Lagðar fram tillögur að breytingum á samþykktum Grindavíkurbæjar er varða fundarsköp.

Skjalastjóra er falið að vinna málið áfram.

2. Betri vinnutími í leikskóla - 2304001
Sviðsstjóri félagsþjónustu- og fræðslusviðs sat fundinn undir þessum dagskrárlið. Lagt fram til kynningar yfirlit um mögulegar leiðir til að létta álagi starfsfólks í leikskóla vegna styttingar vinnuviku.

Sviðsstjóra félagsþjónustu- og fræðslusviðs og leikskólastjóra falið að leggja fram tímasetta áætlun fyrir bæjarráð.

3. Sérskóli - Beiðni um skólavist - 2303089
Sviðsstjóri félagsþjónustu- og fræðslusviðs sat fundinn undir þessum dagskrárlið. Lögð fram beiðni um viðauka við áætlun ársins 2023 að fjárhæð 11.900.000 kr. á rekstrareininguna 04221, lykil 9392. Lagt er til að fjármögnun verði með lækkun á handbæru fé.

Bæjarráð leggur til við bæjarstjórn að samþykkja viðaukabeiðnina.

4. Skiltaborgir við Kvikuna - 2303087
Sviðsstjóri frístunda- og menningarsviðs sat fundinn undir þessu dagskrárlið. Lagt fram minnisblað frá sviðsstjóra frístunda- og menningarsviðs, dags. 30. mars sl. varðandi skiltaborgir við Kvikuna.

Bæjarráð samþykkir að skiltaborgirnar verði fjarlægðar.

5. Sorpflokkun við heimili - Borgað þegar hent er, innleiðing - 2304042
Lögð fram viljayfirlýsing um þátttöku í verkefninu "Borgað þegar hent er - innleiðing við heimili".

Bæjarráð samþykkir viljayfirlýsingun og felur sviðsstjóra fjármála- og stjórnsýslusviðs að undirrita hana.

6. Ársuppgjör 2022 - Grindavíkurbær og stofnanir - 2303014
Ársreikningur Grindavíkurbæjar og stofnana fyrir árið 2022 er lagður fram. Einnig var lögð fram skýrsla KPMG um stjórnsýsluúttekt 2022.

Bæjarráð samþykkir ársreikninginn og vísar honum til endurskoðunar og afgreiðslu bæjarstjórnar í samræmi 18. gr. og 61. gr. laga nr. 138/2011.

Fleira ekki gert. Fundi slitið kl. 17:40.

• Síðast uppfært: 19. apríl 2023