Rýmingarkort fyrir Grindavík

• Fréttir
• 9. ágúst 2024

Komi til rýmingar í Grindavík vegna hættuástands verður viðvörun gefin með SMS og hljóðmerkjum frá almannarvarnarflautum. Íbúar eru þá beðnir um að fylgja rýmingaráætlun. 

1. Farið strax út í bifreið
2. Akið varlega af svæðinu
3. Fylgið næstu flóttaleið út af svæðinu
4. Skráið ykkur við næsta eftirlitspóst

Öryggisreglur

• Kynnið ykkur öryggiskort af svæðinu. Þekkja skal flóttaleiðir og afmörkuð svæði. 
• Ávalt skal hafa farsíma meðferðis, stilltan á hæstu hljóðstillingu og tryggt að tilkynningar neyðarskilaboða sé virk. 
• Fylgjast skal með loftgæðum með gasmælum eða á loftgaedi.is
• Aka skal einungis á merktu vegum/svæðum. Ekki fara í aðstæður þar sem möguleiki er að festa farartæki. 
• Akið varlega um svæðið og virðið hámarkshraða.
• Leggja skal bifreið í flóttaátt og gæta þess að teppi ekki götur.
• Öryggisvitund, þekkja til hvaða hættur geta komið upp á svæðinu.
• Ekki skal ferðast um á lóðum, eða svæðum utan skilgreindra öruggra svæða; jarðvegur er ekki öruggur. Ferðist um á bifreið á svæðinu.
• Fylgja skal rýmingaráætlun ef boð um rýmingu berst. 
• Tilkynna skal til 1-1-2 um sprungu sem ekki eru afmarkaðar eða aðrar hættur s.s. ófullnægjandi loftgæði. 

Uppfært 9. ágúst kl. 9:30: Rýmingarkort sem birtust með upphaflegri tilkynningu hafa verið uppfærð.

• Síðast uppfært: 9. ágúst 2024