76. fundur Afgreiðslunefndar byggingarmála haldinn á skrifstofu byggingafulltrúa, mánudaginn 28. ágúst 2023 og hófst hann kl. 13:00.
Fundinn sátu:
Atli Geir Júlíusson, sviðsstjóri skipulags- og umhverfissviðs, Hjörtur Már Gestsson, byggingarfulltrúi, Elísabet Bjarnadóttir, sérfræðingur skipulags- og umhverfissviðs.
Fundargerð ritaði: Hjörtur Már Gestsson, byggingarfulltrúi.
Dagskrá:

1. Ásabraut 5 - Umsókn um byggingarheimild eða -leyfi - Flokkur 1, - 2305070
Magnús Kristján Guðjónsson sækir um byggingarheimild vegna Ásabrautar 5. Ætlunin er að stækka eldhús og stofu til suðurs svo hægt sé að koma fyrir borðkrók við eldhúsið og að stækkun stofu nýtist sem sólstofa. Stækkun á eldhúsi yrði um 15 m² og stækkun á stofu um 20 m². Samtals er því um að ræða um 35 m² stækkun hússins. Lagt er upp með að viðbyggingarnar verði úr timbri/gleri, á steyptar plötur sem fyrir eru. Á 123 fundi skipulagsnefndar hlaut málið fullnaðarafgreiðslu skipulagsnefndar. Byggingaráform samþykkt. Umsóknin samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarhemild verður gefið út þegar skilyrðum 2.3.8.gr. sömu byggingarreglugerðar hafa verið uppfyllt.

2. Heiðarhraun 3 - Umsókn um byggingarheimild eða -leyfi - Flokkur 1, - 2306006
KE64 ehf. sækir um byggingarheimild fyrir stækkun á norðurhluta bílskúrs, ásamt viðgerð á núverandi skúr. Skipulagsnefnd fól skipulagsfulltrúa að grenndarkynna áformin fyrir lóðarhöfum við Heiðarhraun 1 og 5. Á 123 fundi skipulagsnefndar hlaut málið fullnaðarafgreiðslu skipulagsnefndar. Byggingaráform samþykkt. Umsóknin samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarhemild verður gefið út þegar skilyrðum 2.3.8.gr. sömu byggingarreglugerðar hafa verið uppfyllt.

3. Túngata 7 - Umsókn um byggingarheimild eða -leyfi - Flokkur 2, - 2306057
Jörgenzen ehf. sækir um byggingarleyfi fyrir Túngötu 7. Efri hæð hússins sem byggð er úr timbri er ónýt, því þarf að rífa hæðina og reisa að nýju. Hús veður reist í sömu mynd og það er nú þegar. Á 123 fundi skipulagsnefndar hlaut málið fullnaðarafgreiðslu skipulagsnefndar. Byggingaráform samþykkt. Umsóknin samræmist lögum um mannvirki nr. 160/2010 og byggingarreglugerð nr. 112/2012, m/síðari breytingum. Byggingarleyfi verður gefið út þegar skilyrðum 2.4.4.gr. sömu byggingarreglugerðar hafa verið uppfyllt.

Fleira ekki gert. Fundi slitið kl. 13:30.

• Síðast uppfært: 28. ágúst 2023