Glæsileg árshátíð á miðstigi

• Grunnskólafréttir
• 25. mars 2022

Árshátíð miðstigs var haldin í gær og heppnaðist frábærlega. Tvær sýningar voru haldnar og var salurinn troðfullur í bæði skiptin. Nemendur höfðu lagt mikið á sig í æfingum og undirbúningi og var virkilega gaman að sjá afrakstur erfiðisins.

Á fyrri sýningunni sýndu 4.A og 4.M skemmtilegt dansatriði þar sem farið var í gegnum sögu dansins á mismunandi áratugum. Áhorfendur fengu að sjá fjölmarga dansa og marga dansara framtíðarinnar á sviði. Þá var komið að 5.bekkjum að sýna sitt atriði. Þar kenndi ýmissa grasa, skemmtilegt leikrit, tískusýning og dansatriði auk þess sem kynnarnir tveir fóru á kostum.

Á seinni sýningunni sýndu 4.S og 4.H dansatriði þar sem stiklað var á stóru í danssögunni. Atriðið var mjög vel heppnað og dansarnir hver öðrum skemmtilegri. Að dansinum loknum hjá 4.bekk tóku 6.bekkir við keflinu. Þeir sýndu skemmtilegan leikþátt, sýndar voru auglýsingar, skellt var í brandarahorn og endað á tískusýningu og dansatriði.

Hér fyrir neðan má sjá fjölmargar myndir sem teknar voru í gær.

• Síðast uppfært: 27. mars 2022