Tóku þátt í Frímó

• Grunnskólafréttir
• 6. maí 2022

Þátturinn Frímó á RÚV hefur notið mikilla vinsælda síðustu mánuðina en þar keppa krakkar sín á milli í spurningakeppni og hinum og þessum þrautum. Grindavík átti fulltrúa í þættinum sem sýndur var síðasta sunnudag og stóðu þeir sig af mikilli prýði.

Þeir Jón Gísli Eggertsson og Guðmundur Kári Yngvason, nemendur í 4.bekk, kepptu og voru vel studdir af félögum sínum í sjónvarpssal. Stóðu þeir sig frábærlega og unnu glæsilegan sigur gegn andstæðingum sínum.

Heldur betur vel gert hjá strákunum!

Hægt er að horfa á þáttinn inni á vef Krakkarúv.

• Síðast uppfært: 6. maí 2022