Fundur 1637

Bæjarráð
8. mars 2023

1637. fundur bæjarráðs Grindavíkur haldinn í bæjarstjórnarsal, þriðjudaginn 7. mars 2023 og hófst hann kl. 16:45.

Fundinn sátu: Hjálmar Hallgrímsson, formaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi.

Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.

Fundargerð ritaði: Jón Þórisson, sviðsstjóri fjármála- og stjórnsýslusviðs.

Dagskrá:
1. 50 ára kaupstaðarafmæli Grindavíkurbæjar - 2301116
Sviðsstjóri frístunda- og menningarsviðs sat fundinn undir þessum dagskrárlið.

Uppfærð drög að erindisbréfi 50 ára afmælisnefndar lögð fram.

2. Húsnæðismál Fisktækniskóla Íslands - 2111026
Sviðsstjóri félagsþjónustu- og fræðslusviðs sat fundinn undir þessum dagskrárlið.

Lagt fram bréf frá Fisktækniskólanum, dags. 23. febrúar 2023, varðandi húsnæðisvanda skólans.

Bæjarstjóra er falið að vinna málið áfram.

3. Skipulagsgreining Grindavíkurhöfn - 2211029
Óskað er eftir viðauka á fjárhagsáætlun Grindavíkurhafnar fyrir árið 2023 að upphæð 13.312.366 kr. sem fjármagnaður yrði með lækkun á handbæru fé.

Bæjarráð leggur til við bæjarstjórn að samþykkja viðaukabeiðnina.

4. Leigusamningur - Tímabundin ívilnun - 2209087
Lögð fram beiðni frá Guðlaugu Snorradóttur um tímabundna eftirgjöf leigu vegna leigu á rými vegna daggæslu barna í húsnæði bæjarins að Gerðavöllum 17.

Bæjarráð samþykkir að gefa eftir leigu út maí 2023.

5. Sorphirða á Suðurnesjum í desember 2022 og janúar 2023 - 2302018
Lagður fram tölvupóstur frá framkvæmdastjóra Kölku, dags 21.02.2023, vegna fundar með Terra ehf. um sorphirðumál.

6. Afhendingaröryggi vatns og orku á Reykjanesi - 2302084
Lögð fram fundargerð upplýsingafundar, dags. 6. febrúar sl. um afhendingaröryggi orku og vatns á Reykjanesi.

7. Rafmagnsleysi á Suðurnesjum vegna bilunar - 2301068
Lagt fram minnisblað bæjarstjóra til Orkustofnunar, dags. 27.02.2023, varðandi orkuöryggismál á Suðurnesjum.

8. Aðgerðir um orkuskipti og útfösun jarðefnaeldsneytis - 2302085
Lögð fram bókun stjórnar Samtaka orkusveitarfélaga á stjórnarfundi samtakanna þann 17. febrúar sl.

Fleira ekki gert. Fundi slitið kl. 18:15.