Gagnlegur og skemmtilegur íbúafundur um hjarta Grindavíkur

  • Fréttir
  • 31. október 2010

Um 55 Grindvíkingar mættu í Hópsskóla á laugardaginn á hugmyndasmiðju íbúa þar sem velt var upp þeirri spurningu hvar sé hjarta Grindavíkur og hvernig miðbæ viljum við? Óhætt er að segja að þessi hugmyndasmiðja hafi tekist vonum framar því þarna komu fram margar skemmtilegar hugmyndir sem unnið verður úr á næstunni. Góður andi var á fundinum þar sem fundargestir gáfu ímyndunaraflinu lausan tauminn.

Fyrirkomulag fundarins var svokallað heimskaffi þar sem 4-5 fundargestir sátu við hvert borð. Eftir ákveðinn tíma fóru allir nema einn frá borðinu út í heim til að ræða málin þar líka og í lok fundar komu fundargestir aftur í upphaflegu hópana og tóku saman niðurstöður. Að síðustu fór hver hópur yfir sínar hugmyndir. Fundarformið bauð upp á að allir gátu á auðveldan og skemmtilegan hátt tekið þátt og komið sjónarmiðum sínum á framfæri.

Fundargestir voru á öllum aldri, frá 13 ára og upp í eldri borgara. Umsjón með fundinum var í höndum ráðgjafarfyrirtækisins Alta sem tekur nú saman skýrslu með helstu niðurstöðum.
 


Deildu ţessari frétt

AĐRAR FRÉTTIR

Fréttir / 16. maí 2024

Stađa sorphirđu í Grindavík

Fréttir / 3. maí 2024

Landađur afli ađ aukast

Fréttir / 30. apríl 2024

Fótboltinn rúllar af stađ

Fréttir / 29. apríl 2024

Pistill bćjarstjórnar 29. apríl 2024

Fréttir / 29. apríl 2024

Styrktarbingó Grindavíkur og Breiđabliks