1699. fundur bæjarráðs Grindavíkur haldinn í bæjarstjórnarsal, þriðjudaginn 13. janúar 2026 og hófst hann kl. 14:00.

Fundinn sátu: Hjálmar Hallgrímsson, formaður, Hallfríður G Hólmgrímsdóttir, aðalmaður, Ásrún Helga Kristinsdóttir, aðalmaður, Inga Fanney Rúnarsdóttir, áheyrnarfulltrúi.

Einnig sátu fundinn: Fannar Jónasson, bæjarstjóri, Jón Þórisson, sviðsstjóri fjármála- og stjórnsýslusviðs, Guðjón Bragason, lögfræðingur.

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.      Fjárhagsáætlun 2026-2029 - Grindavíkurbær og stofnanir - 2507023

Gestir fundarins undir þessum dagskrárlið: Bæjarfulltrúarnir Birgitta Hrund, Birgitta Rán og Gunnar Már.

Fjárhagsáætlun Grindavíkurbæjar og stofnana 2026-2029 er lögð fram.

Sviðsstjóra fjármála- og stjórnsýslusviðs er falið að gera breytingar á áætluninni í samræmi við athugasemdir sem komu fram á fundinum.

2.      Styrkbeiðni vegna heimildarmyndar - 2601001

Lögð fram styrkbeiðni vegna heimildarmyndar um Grindavík að upphæð kr. 300.000.

Bæjarráð samþykkir styrkbeiðnina.

3.      Tilboð í frágang á pappírsskjölum - 2601015

Þjóðskjalasafn Íslands sótti skjöl í fyrstu rýmingu bæjarins og hefur síðan geymt þau, ófrágengin, í geymslu sinni. Skjölin eru frá bæjarskrifstofum, Grunnskóla Grindavíkur og Slökkviliði Grindavíkur.

Lagt fram tilboð í frágang á hluta af skjölunum frá Þjóðaskjalasafni Íslands.

Bæjarráð samþykkir að taka ekki tilboðinu og felur sviðsstjóra fjármála- og stjórnsýslusviðs að vinna málið áfram í samræmi við umræður á fundinum.

Fleira ekki gert.

Fundi slitið kl. 16:20.

• Síðast uppfært: 13. janúar 2026