1694. fundur bæjarráðs Grindavíkur haldinn í bæjarstjórnarsal, þriðjudaginn 11. nóvember 2025 og hófst hann kl. 14:00.

Fundinn sátu: Hjálmar Hallgrímsson, formaður, Hallfríður G Hólmgrímsdóttir, aðalmaður, Ásrún Helga Kristinsdóttir, aðalmaður, Inga Fanney Rúnarsdóttir, áheyrnarfulltrúi.

Einnig sátu fundinn: Fannar Jónasson, bæjarstjóri, Jón Þórisson, sviðsstjóri fjármála- og stjórnsýslusviðs, Guðjón Bragason, lögfræðingur.

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Inga Fanney sat fundinn í Teams.

Dagskrá:

1.      Rammasamningur - Niðurrif altjónshúsa í Grindavík - 2511009

Gestir fundarins undir þessum dagskrárlið: Forstöðumaður þjónustumiðstöðvar, hafnarstjóri og skipulagsfulltrúi (Teams)

Lagt fram minnisblað "Undirbúningar niðurrifs altjónseigna í Grindavík" dags. 11. nóv. 2025 ásamt drögum að útboðslýsingu.

Bæjarráð samþykkir að auglýsa útboð á rammasamningi vegna niðurrifs altjónshúsa skv. útboðsskilmálum.

2.      Skil á lóð - Staðarsund 3 - 2506008

Gestur fundarins undir þessum dagskrárlið: Skipulagsfulltrúi (Teams).

Bæjarráð samþykkir framkomna beiðni um aflýsingu á lóðarleigusamningi og þar með skil á lóð og vísar til staðfestingar í bæjarstjórn.

3.      Skil á lóð - Melhólabraut 4, Orf Líftækni - 2511007

Gestur fundarins undir þessum dagskrárlið: Skipulagsfulltrúi (Teams).

Bæjarráð samþykkir framkomna beiðni um aflýsingu á lóðarleigusamningi og þar með skil á lóð og vísar til staðfestingar í bæjarstjórn.

4.      Rekstur slökkviliðs í Grindavík og öryggisgæsla í bænum - 2508009

Lagður fram samstarfssamningur um rekstur slökkviliðs Grindavíkur ásamt viðaukum.

5.      Íþróttafólk Grindavíkur 2025 - 2510023

Samfélagsnefnd leggur til að horfið verður til þess fyrirkomulags sem var við lýði fyrir rýmingu við val á íþróttafólki Grindavíkur. Lagt er til að átta aðilar sjái um valið í stað tíu áður.

Bæjarráð samþykkir tillögu samfélagsnefndar.

6.      Sóknarsjóður til stuðnings lítilla og meðalstórra fyrirtækja í Grindavík - 2509023

Lögð fram bókun Stjórnar Byggðastofnunar en þar kemur fram að samþykktir hafa veriö styrkir úr Sóknarsjóði fyrir smærri fyrirtæki í Grindavík, alls 130,4 millj. kr.

7.      Samkomulag um stuðning við stjórnsýslu og fjárhag sveitarfélagsins - 2402116

Lögð fram bókun ráðgjafanefndar Jöfnunarsjóðs sveitarfélaga vegna samkomulags innviðaráðherra og Grindavíkurbæjar þar sem mælt er með 600 millj. kr. framlagi til Grindavíkurbæjar.

Hallfríður vék af fundi kl. 15:50

8.      Fjárhagsáætlun 2026-2029 - Grindavíkurbær og stofnanir - 2507023

Gestir fundarins undir þessum dagskrárlið: Sviðsstjóri félagsþjónustu- og fræðslusviðs (Teams), sviðsstjóri frístunda- og menningarsviðs, hafnarstjóri, launafulltrúi og Gunnar Már.

Farið yfir mögulegar forsendur vegna rekstrar Grindavíkurbæjar og stofnana fyrir árið 2026.

Fleira ekki gert.

Fundi slitið kl. 16:30.

• Síðast uppfært: 12. nóvember 2025