Ari Eldjárn sýnir í Grindavík

• Fréttir
• 28. október 2025

Ari Eldjárn stendur nú fyrir skemmtilegri og tilraunakenndri uppistandssýningu víða um land þar sem hann prófar nýtt grín. Ari kemur til Grindavíkur og sýnir í Gjánni fimmtudaginn 6. nóvember kl. 20:00. Um er að ræða fyrstu sýningu hans í Grindavík í nokkur ár. Miðasala fer fram á tix.is.

Ari er fyrir löngu orðinn einn allra vinsælasti uppistandari þjóðarinnar og hefur auk þess getið sér góðs orðs víða erlendis fyrir gamansýningar sínar. Árið 2020 varð hann fyrsti íslenski skemmtikrafturinn til að fá gamansýningu tekna til sýninga hjá bandarísku streymisveitunni Netflix en þætti hans Pardon my Icelandic var dreift á heimsvísu til fleiri milljóna manna, sem horfðu á og höfðu gaman af. Pardon my Icelandic vann Edduna árið 2021 fyrir skemmtiþátt ársins.

Sýningin varir í rúma klukkustund.

• Síðast uppfært: 28. október 2025