Félag eldri borgara býður í leikhús

• Fréttir
• 24. september 2025

Félag eldri borgara í Grindavík býður félagsmönnum sínum í leikhús föstudaginn 3. október næstkomandi. Farið verður á sýninguna Saknaðarilm í Kassanum, Þjóðleikhúsinu, og eru félaginu tryggðir 40 miðar kl. 20.00.

Hver og einn félagi sér sjálfur um að komast á staðinn, en bent er á að bílakjallari er stutt frá Þjóðleikhúsinu.

Félagið hvetur fólk til að gera sér dagamun, samnýta bíla og jafnvel hittast og borða saman áður en sýningin hefst.

Skráning er hafin og lýkur sunnudaginn 29. september. Best er þó að tryggja sér miða sem fyrst.

Skráning fer fram hjá Ágústu í síma 897 4750 og Guggu í síma 892 8438.

• Síðast uppfært: 24. september 2025