Gul samverustund í Grindavíkurkirkju

• Fréttir
• 23. september 2025

Góð mæting var á Gula samverustund í Grindavíkurkirkju sl. sunnudag Sr. Elínborg Gísladóttir talaði um vægi guls september mánaðar, geðrækt og mikilvægi sjálfsvígsforvarna. Arney Ingibjörg Sigurbjörnsdóttir söng fyrir gesti falleg lög undir orgelleik Arnórs Vilbergssonar. Eftir fallega athöfn gengu Lára Lind Jakobsdóttir og Sólveig Ólafsdóttir út kirkjugólfið með friðarljós til að labba með ljós úr myrkrinu sem er forskrift Píeta samtakana með þeirra árlegu ljósagöngu. Eftir samverustundina bauð Grindavíkurbær upp á Gult vöfflukaffi sem að Kvenfélag Grindavíkur sá um að kostgæfni. Vöfflur með gulum rjóma var tákn inn í þennan mikilvæga mánuð geðræktar.

Lára Lind skipulagði viðburðinn ásamt góðri hjálp frá Sr. Elínborgu, Grindavíkurbæ, Kvenfélagi Grindavíkur og Arneyju. Þær eru þakklátar fyrir ótrúlega góða mætingu og þakklátar fyrir stuðninginn sem málstaðurinn hefur fengið.

• Síðast uppfært: 23. september 2025