Jólasamvera Grindvíkinga

• Fréttir
• 22. nóvember 2024

Fyrsta í aðventu, þann 1.desember, verður haldin jólasamvera Grindvíkinga í veislusal í Haukahúsinu, Ásvöllum 1 í Hafnarfirði, (*með fyrirvara um breytingar). Þar verður skemmtun fyrir börnin, smákökur og kaffi og fallegur jólasöngur frá Grindavíkurdætrum. Veitingar verða frá Hérastubbi bakara og kvenfélagskonur Grindavíkur sjá um aðstoð við veitingar. 

Húsið opnar klukkan 14:30. Ævintýrapersónur frá Leikhópnum Lottu mæta og jólasveinarnir skella sér svo í dans og verða með góðgæti í poka handa börnunum. Klukkan 16:00 syngja síðan Grindavíkurdætur og koma okkur í hátíðarskap. 

Klukkan 18:00 að loknum viðburði verður kveikt á krossljósum í kirkjugarði Grindavíkur. 

Öll velkomin. Njótum samverunnar með hvert öðru og gefum börnunum tækifæri á því að hittast.

• Síðast uppfært: 22. nóvember 2024