1668. fundur bæjarráðs Grindavíkur haldinn í bæjarstjórnarsal, þriðjudaginn 22. október 2024 og hófst hann kl. 14:00.

Fundinn sátu:
Hjálmar Hallgrímsson, formaður, Helga Dís Jakobsdóttir var fjarverandi en í staðinn sat fundinn Sævar Þór Birgisson, varamaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. 

Einnig sátu fundinn:
Jón Þórisson, sviðsstjóri fjármála- og stjórnsýslusviðs, Fannar Jónasson, bæjarstjóri og Guðjón Bragason, lögfræðingur. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Í upphafi fundar óskaði formaður eftir heimild til að taka mál á dagskrá með afbrigðum sem 4. mál: 
2410025 - Merkingar innanbæjar í Grindavík. 

Samþykkt samhljóða

Dagskrá:

1.      Fyrirkomulag stuðnings við atvinnulíf í Grindavík - 2410010
    Gestir fundarins undir þessum dagskrárlið: Skarphéðinn Berg Steinarsson, ráðgjafi og hafnarstjóri. Frá framkvæmdanefnd: Árni Þór Sigurðsson, Viðar Helgason og Pétur M U Tómasson. 

Lagt fram minnisblað frá GRN, dags. 17. október 2024 um mögulegar aðgerðir til stuðnings atvinnulífi í Grindavík og Grindavíkurbæ. 

Bæjarráð leggur áherslu á að unnið verði markvisst að þeim tillögum sem fram koma í minnisblaðinu.
         
2.      Verkefni skólaþjónustu - flutningur verkefna til framkvæmdanefnda - 2409026
    Gestir fundarins undir þessum dagskrárlið: Sviðsstjóri félagsþjónustu- og fræðslusviðs. Frá framkvæmdanefnd: Árni Þór Sigurðsson, Viðar Helgason og Pétur M U Tómasson. 

Lagt fram bréf til innviðaráðherra frá GRN dags. 14.10.2024 - Aðgerðaráætlun vegna flutnings verkefna frá Grindavíkurbæ til Grindavíkurnefndar. 

Bæjarráð gerir ekki athugasemd við hlutfallslega skiptingu kostnaðar við verkefni á sviði fræðslumála sem fram kemur í tillögu að framkvæmdaáætlun framkvæmdanefndar. Bæjarráð setur hins vegar almennan fyrirvara um að uppgjör verði á grundvelli raunkostnaðar og væntir þess að sá kostnaður verði a.m.k. ekki hærri en áætlun.
         
3.      Fjárhagsáætlun 2025-2028 - Grindavíkurbær og stofnanir - 2409018
    Gestir fundarins undir þessum dagskrárlið: Hafnarstjóri, sviðsstjóri félagsþjónustu- og fræðslusviðs og sviðsstjóri frístunda- og menningarsviðs. Frá framkvæmdanefnd: Árni Þór Sigurðsson, Viðar Helgason og Pétur M U Tómasson. 

Bæjarráð bendir á að töluverð óvissa er um lögbundna tekjustofna sveitarfélagsins á árinu 2025 og felur bæjarstjóra að eiga sem fyrst fund með hlutaðeigandi ráðuneytum um nauðsynlegar lagabreytingar.
         
4.      Merkingar innanbæjar í Grindavík - 2410025
    Gestir fundarins undir þessum dagskrárlið: Hafnarstjóri, sviðsstjóri frístunda- og menningarsviðs, sviðsstjóri félagsþjónustu- og fræðslusviðs og skipulagsfulltrúi Grindavíkurbæjar. Frá framkvæmdanefnd: Árni Þór Sigurðsson, Viðar Helgason og Pétur M U Tómasson. 

Lagt fram minnisblað, frá Aton ehf. vegna merkinga innanbæjar í Grindavík. 

Bæjarráð samþykkir að miðlungsleið verði til grundvallar en hún felur í sér hófstilltar merkingar innanbæjar. 

Bæjarráð lýsir ánægju sinni með opnun Grindavíkurbæjar og þakkar framkvæmdanefndinni fyrir gott samstarf í þessu mikilvæga máli.
         
5.      Verkefni Innviðanefndar - 2410015
    Gestir fundarins undir þessum dagskrárlið: Hafnarstjóri, sviðsstjóri frístunda- og menningarsviðs, sviðsstjóri félagsþjónustu- og fræðslusviðs og Skarphéðinn Berg Steinarsson, ráðgjafi. 

Gert er ráð fyrir því að fastanefndir boði fulltrúa framkvæmdanefndar á fundi þegar við á, þar með talið fulltrúa þjónustuteymis. 

Bæjarstjóra er falið að ræða nánara fyrirkomulag við framkvæmdanefnd.
         
6.      Stjórn Knattspyrnudeildar Grindavíkur óskar eftir stuðningi - 2406086
    Gestur fundarins undir þessum dagskrárlið: Sviðsstjóri frístunda- og menningarsviðs. 

Lögð fram beiðni um stuðning við knattspyrnudeild UMFG á árinu 2024. 

Bæjarráð samþykkir að styrkja UMFG um 10.000.000 kr. og felur sviðsstjóra frístunda- og menningarsviðs að fylgja málinu eftir.
         
7.      Ósk um kaup á búnaði - 2410019
    Gestir fundarins undir þessum dagskrárlið: Hafnarstjóri, sviðsstjóri frístunda- og menningarsviðs og sviðsstjóri félagsþjónustu- og fræðslusviðs. 

Bæjarráð felur sviðsstjórum að vinna málið áfram í samræmi við umræður á fundinum.
         
8.      Staða óvarinna rafstrengja í og við Grindavík - 2410009
    Gestir fundarins undir þessum dagskrárlið: Hafnarstjóri og sviðsstjóri frístunda- og menningarsviðs. 

Lögð fram erindi sem varða frágang rafstrengja og álit HMS um að fram þurfi að fara áhættumat til að greina hættu af háspennustrengjum. 

Guðjón Bragason vék af fundi kl. 16:30
         
9.      Öryggisgæsla - Tollhús við Tryggvagötu - 2406298
    Bæjarráð felur sviðsstjóra fjármála- og stjórnsýslusviðs að útfæra aðgangsmál í aðalandyri Tollhússins í samræmi við umræður á fundinum.
         
10.      Kalka sorpeyðingarstöð - gámaplan og sorpílát á tímum náttúruhamfara - 2406299
    Lagt fram yfirlit yfir útlagðan kostnað Kölku vegna sorphirðu í Grindavík og reksturs gámaplans það sem af er ári 2024 ásamt áætluðum kostnaði við rekstur grenndargáma, ásamt tilboði frá björgunarsveitinni í flutning á sorptunnum frá Grindavík til Kölku. 

Bæjarráð samþykkir tilboð björgunarsveitarinnar.
         
Fleira ekki gert. Fundi slitið kl. 17:10.

• Síðast uppfært: 23. október 2024