Grindavíkurdætur og glæpakviss

• Félagslíf og viðburðir
• 3. september 2024

Föstudaginn 6. september munu Grindavíkurdætur flytja nokkur vel valin lög á Bókasafni Reykjanesbæjar. 

Viðburðurinn hefst kl. 16:00 á útnefningu sigurvegara ljóðasamkeppni Ljósberans 2024 í umsjá Guðmundar Magnússonar, ásamt upplestri vinningsljóðanna.

Eftir Ljósberann ætla Grindavíkurdætur að flytja nokkur vel valin lög. Kórstjóri: Berta Dröfn Ómarsdóttir

Gunnhildur Þórðardóttir ljóðskáld stýrir viðburðinum.

Viðburðurinn Grindavíkurdætur er styrktur af Uppbyggingarsjóði Suðurnesja.

Viðburðurinn er auðvitað ókeypis og öll hjartanlega velkomin! 

***

Fimmtudaginn 5. september kl. 17.30 býður Bókasafnið í Reykjanesbæ upp á spennandi glæpakviss úr íslenskum glæpasögum í miðju Bókasafnsins!
1. Miðað er við að keppnin taki um það bil 90 mínútur.
2. Miðað við að ekki séu fleiri en fjögur saman í liði (ekki heilög tala).
3. Spurningarnar eru ýmist hreinar textaspurningar eða spurningar með myndastuðningi.

Verðlaun verða veitt fyrir sigurliðið og aukaverðlaun ákveðin á staðnum. Glæpakvissið kostar ekkert og öll eru hjartanlega velkomin.

Anna og Ingi stýra keppninni og við ábyrgjumst hlátur og gleði!

Viðburðurinn er unninn í samstarfi við Hið íslenska glæpafélag og er styrktur af Uppbyggingarsjóði Suðurnesja.

Spurningakeppnin er samin af Ævari Erni Jósepssyni, formanni Hins íslenska glæpafélags.

Verkefnið Glæpafár á Íslandi er styrkt af Bókasafnasjóði.

• Síðast uppfært: 3. september 2024