Fannar Jónasson sæmdur riddarakrossi hinnar íslensku fálkaorðu

• Fréttir
• 19. júní 2024

Fannar Jónasson, bæjarstjóri í Grindavík var sæmdur riddarakrossi fyrir þjónustu í þágu samfélagsins á tímum hamfara þann 17. júní sl.

Fannar hefur verið bæjarstjóri í Grindavík frá því í ársbyrjun 2017. Frá árinu 2020 hefur sveitarfélagið tekist á við heimsfaraldur, reglulegar jarðskjálftahrinur auk þess sem átta sinnum hefur komið upp jarðeldur innan sveitarfélagsmarkanna.

„Ég er að sjálfsögðu þakklátur fyrir þessa viðurkenningu sem ég lít þó fyrst og fremst á sem heiður í garð íbúa Grindavíkur sem hafa sýnt einstaka þrautsegju, styrk og samheldni á þeim hamfaratímum sem dunið hafa yfir" sagði Fannar í kjölfar orðuveitingarinnar.

Fannari eru færðar innilegar hamingjuóskir með þessa verðskulduðu vegtyllu.

• Síðast uppfært: 19. júní 2024