Ný könnun Maskínu. Dregur úr bjartsýni fyrirtækjaeigenda 

• Fréttir
• 7. maí 2024

Í febrúar var gerð könnun á meðal fyrirtækja í Grindavík  um aðstæður fyrirtækjareksturs í bænum um áhrif náttúruhamfara á starfsemi þeirra. Voru niðurstöður birtar á heimasíðu Grindavíkurbæjar https://www.grindavik.is/v/27078

Nú hefur þessi könnun verið endurtekin og eru niðurstöður hennar hér:

Samandregnar niðurstöður

Sundurliðaðar niðurstöður

Þessar kannanir tvær eru að mestu með sömu spurningum til að sjá megi breytingar á viðhorfum milli þeirra. Helsta breytingin er að bætt er við spurningum um hvaða stuðningsúrræði stjórnvalda fyrirtæki hafa nýtt sér. 

Á meðal þess sem kemur fram í könnuninni er: 

• Umfang rekstrar fyrirtækja í Grindavík er með svipuðum hætti og var í síðustu könnun. Áfram er um þriðjungur fyrirtækja ekki með rekstur. 
• Um fjórðungur fyrirtækja í Grindavík hyggjast halda áfram fullum rekstri í bænum. Það er töluverður samdráttur frá fyrri könnun þegar það voru 41,2% sem ætluðu að halda áfram fullum rekstri. Þeir sem eru óvissir um áframhaldandi rekstur í Grindavík eru 36,6%. 
• Fyrirtækjum sem telja sig geta verið með rekstur í Grindavík þrátt fyrir að náttúruhamförum sé ekki lokið fækkar nokkuð. Er nú innan við þriðjungur en var helmingur. 
• Svipaða sögu má segja um fjölda fyrirtækja sem svara því hvort halda megi áfram rekstri þrátt fyrir að íbúar séu ekki með búsetu í bænum. Það er núna 38,3% en var 58,5%
• Ríflega þriðjungur fyrirtækja hefur ekki sótt um um eitthvert þeirra úrræða sem boðið hefur verið upp á. Flest hafa sótt um launastuðning Vinnumálastofnunar, 56,3%. 

• Síðast uppfært: 7. maí 2024