Opnun gatna í Dalbraut, Laut og Sunnubraut

• Framkvæmdafréttir
• 22. apríl 2024

Búið er að opna hjáleiðir inn í Dalbraut og Laut og frá Laut inn í Sunnubraut eins og kort hér að ofan sýnir. 

Ekið er frá Víkurbraut framhjá lögreglustöðinni og bakvið Kvennó inn á Dalbraut. Frá syðri botnlanga Lautar er síðan hægt að aka til austurs inn í botnlanga Sunnubrautar. 

Víkurbraut við Dalbraut og Sunnubraut verða áfram lokaðar vegna sterkra vísbendinga um holrýma undir götunni. Þetta kom í ljós í jarðkönnunarverkefni Almannavarna. 

Athugið að hjáleiðirnar eru mjóar og engin skilti eða merkingar eru á staðnum. Akið því með gát.

Nánari upplýsingar um aðgengi er hægt að sjá á https://eflamap.is/sprungusja/ eða hafa samband við bæjarskrifstofu í síma 420-1100.

Einnig gefur vettvangsstjórn upplýsingar í síma 426-7511. 
 

• Síðast uppfært: 22. apríl 2024