129. fundur skipulagsnefndar haldinn í bæjarstjórnarsal, miðvikudaginn 21. febrúar 2024 og hófst hann kl. 14:00.

Fundinn sátu:
Lilja Ósk Sigmarsdóttir, formaður, Sverrir Auðunsson, varamaður, Hrannar Jón Emilsson, aðalmaður, Steinberg Reynisson, aðalmaður, og Unnar Á. Magnússon, aðalmaður. 

Einnig sátu fundinn:
Atli Geir Júlíusson, sviðsstjóri skipulags- og umhverfissviðs, Hjörtur Már Gestsson, byggingarfulltrúi og Elísabet Bjarnadóttir, sérfræðingur skipulags- og umhverfissviðs. 

Fundargerð ritaði:  Atli Geir Júlíusson, sviðsstjóri skipulags- og umhverfissviðs.

Í upphafi fundar óskaði formaður eftir heimild til að taka inn mál á dagskrá með afbrigðum sem síðasta mál: Breyting á aðalskipulagi Reykjanesbæjar - Ósk um umsögn á lýsingu fyrir miðsvæði Vatnsnes, nr. 2402041

Dagskrá:

1.      Jarðskjálftar, landris og eldgos í Grindavík 2024 - 2401118
    Guðjón Bragason sat fundinn undir dagskrárliðnum. 

Staðan í Grindavík vegna náttúruhamfara í Grindavík meðal annars m.t.t. byggingar- og skipulagsmála rædd.
         
2.      Uppbygging varnargarða til varnar Grindavíkur - 2402014
    Staðan á uppbyggingu varnargarða um Grindavík til umræðu. 

Skipulagsnefnd lýsir yfir ánægju sinni með þær framkvæmdir sem þegar hafa átt sér stað við varnargarða. Nefndin hvetur til þess að lokið verði við gerð varnargarðanna sem fyrst. 
         
3.      Tjón á mannvirkjum vegna náttúruhamfara í Grindavik - 2312003
    Rætt um þær ákvarðanir sem bæjarstjórn hefur tekið varðandi endurbyggingar- og viðgerðarskyldu á altjónshúsum, sbr. 2. mgr. 15. gr. laga nr. 55/1992 um NTÍ. Einnig var rætt um það með hvaða hætti skipulagsnefnd sér fyrir sér að standa eigið að niðurrifi altjónshúsa. 

Sviðsstjóra falið að vinna málið áfram. 

         
4.      Niðurrif húsa undir hrauni - 2402032
    Guðjón Bragason sat fundinn undir dagskrárliðnum. 

Hrannar Jón Emilsson vék af fundi við umræður og afgreiðslu málsins. 

Minnisblað frá byggingarfulltrúa lagt fram, skipulagsnefnd er samþykk þeirri útfærslu sem þar er lýst. 

Málinu er vísað til afgreiðslu bæjarstjórnar. 

         
5.      Óleyfisframkvæmdir í Grindavík - 2402023
    Guðjón Bragason sat fundinn undir dagskrárliðnum. 

Rætt um stöðu skráninga á fasteignum og óleyfisframkvæmdir þeim tengdum. 

Byggingarfulltrúa og skiplagsfulltrúa falið að vinna málið áfram meðal annars með því að leita álits hjá Húsnæðis- og mannvirkjastofnun og Skipulagsstofnun. 
         
6.      Breyting á aðalskipulagi Reykjanesbæjar - Ósk um umsögn á lýsingu fyrir frístundabyggð í landi Hvamms og íbúðarbyggð í landi Seljavogar 2a - 2402031
    Lögð var fram skipulagslýsing á aðalskipulagsbreytingu fyrir tvö mál í Höfnum. Annars vegar að taka 0,34 ha af skilgreindu opnu svæði og 0,06 ha af svæði fyrir samfélagsþjónustu í landi Hvamms (samtals 0,4 ha) og breyta í frístundabyggð. Hins vegar að 0,8 ha af opnu svæði í landi Seljavogs 2a verði breytt í íbúðarbyggð. 

Skipulagsnefnd Grindavíkurbæjar gerir ekki athugasemd við lýsinguna. 

Málinu er vísað til afgreiðslu bæjarstjórnar. 
         
7.      Breyting á aðalskipulagi Reykjanesbæjar - Ósk um umsögn á lýsingu fyrir Keflavíkurborgir - 2402029
    Lögð var fram skipulagslýsing vegna fyrirhugaðrar aðalskipulagsbreytingar og nýs deiliskipulags fyrir íbúðarbyggð í Keflavíkurborgum í Reykjanesbæ, dags. 10.11.2023. 
Fyrirhugað er að stækka núverandi íbúðarsvæði um 24 ha og verði það alls 29 ha. 

Skipulagsnefnd Grindavíkurbæjar gerir ekki athugasemd við lýsinguna. 

Málinu er vísað til afgreiðslu bæjarstjórnar. 
         
8.      Breyting á aðalskipulagi Reykjanesbæjar - Ósk um umsögn á lýsingu fyrir miðsvæði Vatnsnes - 2402041
    Lögð var fram lýsing á aðalskipulagsbreytingu á miðsvæði Vatnsness í Reykjanesbæ. Núgildandi aðalskipulag gerir ráð fyrir 600 íbúðum á svæðinu sem er um 18,5 ha. Við breytinguna fjölgar íbúðum í 1250 og heildar byggingarmagn eykst í það sem nemur fjölda íbúða ásamt annarri þjónustu á svæðinu. 

Skipulagsnefnd Grindavíkurbæjar gerir ekki athugasemd við lýsinguna 

Málinu er vísað til bæjarstjórnar til afgreiðslu.
         
Fleira ekki gert. Fundi slitið kl. 16:30.

• Síðast uppfært: 24. maí 2024