Tilkynning frá lögreglustjóranum á Suðurnesjum

• Almannavarnir
• 19. mars 2024

Lögreglustjórinn á Suðurnesjum hefur heimilað Grindvíkingum og þeim sem starfa í Grindavík að dvelja og starfa í bænum. Í tilkynningu sem send var á fjölmiðla kemur fram að lítil sem engin hreyfing er nú á hraunrennsli bæði inn í Svartsengi og eins fyrir ofan Suðurstrandarveg.  Það sé mat lögreglustjóra að ekki stafi ógn af hraunrennsli inni í Grindavík við núverandi aðstæður.  

Þá sé fylgst vel með hraunrennsli fyrir ofan Suðurstrandarveg sem ógnar ekki veginum eins og staðan er í dag.   Fylgst sé vel með mengun inn á merktu hættusvæði.  

Í dag sé vindátt hagstæð og ekki ætti að gæta mengunar inn í Grindavík.  Ef og þegar hætta er talin á að loftmengun ógni heilsu manna getur komið til þess að aðgengi inn í Grindavík verði takmarkað.   

Sjá tilkynninguna í heild sinni hér

• Síðast uppfært: 19. mars 2024