Áhleyping á köldu vatni frestast vegna eldgoss og óvissu

  • Almannavarnir
  • 17. mars 2024

Til stóð að hleypa köldu vatni á Grindavík í skrefum í komandi viku. Um stóra framkvæmd er að ræða sem getur verið bæði flókin og vandasöm. 

Vegna eldgossins sem hófst í gærkveldi við Sundhnúksgígaröðina þarf að fresta þeirri áætlun um óákveðin tíma. Ekki verður hægt að taka ákvörðun um áhleypingu fyrr en eldgosið hættir og óvissa er um ástand bæjarins að því loknu. 

Aðeins ein flóttaleið er úr Grindavík eins og stendur, um Nesveg. Grindavíkurvegur er lokaður vegna hraunflæðis yfir hann snemma í nótt. Þá er ekki ólíklegt að hraunstraumur austan við Grindavík geti náð að veginum við bæinn Hraun. 

Ríkislögreglustjóri, í samráði við Lögreglustjórann á Suðurnesjum  hefur lýst yfir neyðarstigi þar sem nú gýs á milli Hagafells og stóra Skógfells. 

Veðurstofa Íslands hefur uppfært hættumatið á svæðinu í kjölfar þess að neyðarstigi var lýst yfir. 

Tilkynnt verður um áleypingu á köldu vatni á miðlum bæjarins um leið og línur skýrast frekar. 


Deildu ţessari frétt

AĐRAR FRÉTTIR

Fréttir / 3. apríl 2024

Hlúum ađ heilsunni. Ókeypis kostir

Fréttir / 27. mars 2024

Loftgćđi og mengun

Fréttir / 27. mars 2024

Kalt vatn: Stađan eftir 25. mars 2024