554. fundur bæjarstjórnar Grindavíkur haldinn í ráðhúsi Reykjavíkurborgar, mánudaginn 5. febrúar 2024 og hófst hann kl. 14:00.

Fundinn sátu:
Ásrún Helga Kristinsdóttir, forseti, Birgitta H. Ramsay Káradóttir, aðalmaður,
Hjálmar Hallgrímsson, aðalmaður, Helga Dís Jakobsdóttir, aðalmaður,
Hallfríður G Hólmgrímsdóttir, aðalmaður, Birgitta Rán Friðfinnsdóttir, aðalmaður og Gunnar Már Gunnarsson, aðalmaður. 

Einnig sátu fundinn:
Jón Þórisson, sviðsstjóri fjármála- og stjórnsýslusviðs ogFannar Jónasson, bæjarstjóri. 

Fundargerð ritaði:  Jón Þórisson, sviðsstjóri fjármála- og stjórnsýslusviðs.

Dagskrá:

1.      Jarðskjálftar, landris og eldgos í Grindavík 2024 - 2401118
    Til máls tóku: Ásrún, bæjarstjóri, Hjálmar, Hallfríður, Helga Dís, sviðsstjóri fjármála- og stjórnsýslusviðs, Birgitta Rán og Birgitta Hrund. 

Gestir fundarins undir þessum dagskrárlið: Sólberg Bjarnason og Víðir Reynisson frá Almannavörnum og Úlfar Lúðvíksson, lögreglustjóri á Suðurnesjum og svöruðu þeir fyrirspurnum.
         
Helga Dís vék af fundi kl. 15:45.
2.      Fasteignagjöld 2024 - 2307078
    Til máls tóku: Ásrún, sviðsstjóri fjármála- og stjórnsýslusviðs, Birgitta Hrund, bæjarstjóri, Hallfríður, Hjálmar og Birgitta Rán. 

Alþingi samþykkt þann 31.01.2024, lög nr. 979/2024, um breytingar á lögum um tekjustofna sveitarfélaga, nr. 4/1995 (fasteignaskattur í Grindavíkurbæ). 

Með vísan til þessara laga er hér lögð fram tillaga um að falla frá álagningu fasteignaskatts í Grindavík fyrir árið 2024 á eftirfarandi eignir: 

Að fallið verði frá álagningu á eignir sem falla undir a- og c- lið 3. gr. laga um tekjustofna sveitarfélaga nr. 4/1995 og eru innan þéttbýlismarka Grindavíkur skv. aðalskipulagi Grindavíkurbæjar 2018-2032. 
Auk þessa verði fallið frá álagningu fasteignaskatts á eignir sem eru innan hættusvæðis 3, skv. hættumatskorti Veðurstofu Íslands, útgefið 1. febrúar 2024 kl. 15:00. 

Aðrar eignir en þarna koma fram munu fá álagðan fasteignaskatt á árinu 2024. 

Samþykkt samhljóða.
         
Fleira ekki gert. Fundi slitið kl. 16:10.

• Síðast uppfært: 8. febrúar 2024