Nú liggur fyrir að starfsemi safnleikskóla fyrir grindvísk leikskólabörn hefst óskert eftir áramót að öllu óbreyttu. Starfsemi safnleikskóla leikskólabarna hófst í Bakkakoti í Grafarvogi þann 30. nóvember síðastliðinn með þeim hætti að börnum var boðin viðvera annan hvern dag. Ástæða þess var mannekla og húsnæðismál. Mikil vinna hefur farið í að leita lausna á því máli undan farnar vikur og nú liggur fyrir að hægt verði að bjóða börnum fulla viðveru eftir áramót.
Foreldrar verða upplýstir um leið og nánari dagsetning liggur fyrir, en gert er ráð fyrir að senda upplýsingar í næstu viku.