Opnun Grindavíkurhafnar

• Fréttir
• 29. nóvember 2023

Það er sannarlega gelðiefni að hjól atvinnulífsins eru farin að snúast hægt og rólega aftur í Grindavík. Grindvíkurhöfn verður opin frá og með deginum í dag frá 7:00 - 17:00 í samræmi við tilskipun Almannvarna. 

Von er á Sturlu GK inn til löndunar á morgun fimmtudag. Það er fyrsta skipið sem kemur til löndunar eftir að bærinn var rýmdur 10. nóvember sl. Sigurður Kristmundsson, hafnarstjóri segir ánægjulegt að starfsemi hafnarinnar sé að fara í gang. "Fiskmarkaðurinn tekur við aflanum sem löndunarþjónustan sér um að koma frá boði og svo eru starfsmenn hafnarinnar einnig mættir á staðinn, þannig að það er ánægjulegt að sjá starfsemina aftur smátt og smátt hefjast á ný," segir Sigurður. 
 

• Síðast uppfært: 29. nóvember 2023