1653. fundur bæjarráðs Grindavíkur haldinn í bæjarstjórnarsal, þriðjudaginn 12. september 2023 og hófst hann kl. 15:30.
Fundinn sátu:
Hjálmar Hallgrímsson, formaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi. Einnig sat fundinn: Jón Þórisson, sviðsstjóri fjármála- og stjórnsýslusviðs.
Fundargerð ritaði: Jón Þórisson, sviðsstjóri fjármála- og stjórnsýslusviðs.

Dagskrá:

1. Sérstakur húsnæðisstuðningur - Breyting á reglum - 2305120
Sviðsstjóri félagsþjónustu- og fræðslusviðs sat fundinn undir þessum dagskrárlið. Uppfærðar reglur um sérstakan húsnæðisstuðning lagðar fram. Lagt er til að breyttar reglur taki gildi 1. október 2023. Bæjarráð vísar reglunum til staðfestingar í bæjarstjórn og leggur til að þær taki gildi 1. október 2023.

2. Farsæld barna - Beiðni um viðauka - 2309028
Sviðsstjóri félagsþjónustu- og fræðslusviðs sat fundinn undir þessum dagskrárlið. Óskað eftir viðauka við fjárhagsáætlun 2023 beggja leikskóla og grunnskóla til að fjármagna hlutverk tengiliða innan skólanna - í þágu farsældar barna. Heildarfjárhæð viðaukabeiðni er 5.134.000 kr. og skiptist hún niður á skólana skv. framlögðu minnisblaði. Lagt er til að viðaukinn verði fjármagnaður með hækkun á áætlun staðgreiðslu. Bæjarráð leggur til við bæjarstjórn að samþykkja viðaukabeiðnina.

3. Erasmus+ ungmennaskiptaverkefni - 2303009
Sviðsstjóri frístunda- og menningarsviðs sat fundinn undir þessum dagskrárlið. Óskað er eftir viðauka að upphæð kr. 6.385.000 vegna samskipta ungmennaráða Grindavíkurbæjar og Malaga. Viðaukinn er fjármagnaður með styrk frá Erasmus. Bæjarráð leggur til við bæjarstjórn að samþykkja viðaukabeiðnina.

4. Stígamót - styrkbeiðni 2023 - 2309004
Lagt fram erindi frá Stígamótum, dags. 30. ágúst sl., þar sem óskað er eftir fjárstuðningi og samstarfi um rekstur félagsins. Bæjarráð samþykkir styrk að fjárhæð 50.000 kr. af bókhaldslið 02891-9191 á árinu 2023.

5. Málstefna sveitarfélaga - 2309027
Lagt fram bréf frá innviðaráðuneytinu, dags. 5. september sl. varðandi skyldu sveitarfélaga að setja sér málstefnu. Bæjarráð felur bæjarstjóra, ásamt sviðsstjórum að semja málstefnu og leggja fyrir bæjarráð.

6. Fjárhagsáætlun 2024-2027 - Grindavíkurbær og stofnanir - 2307077
Lögð fram útkomuspá fyrir árið 2023. Einnig eru lögð fram frumdrög að launaáætlun fyrir árið 2024. Útlit er fyrir jákvæða afkomu á árinu 2023 þannig að bærinn getur tekið á sig aukinn kostnað á árinu 2024. Því er samþykkt að forstöðumenn hafi heimild til að hækka reglubundna vöru- og þjónustukaupalykla um 10% frá því sem þeir eru í áætlun 2023.

7. Tækifærisleyfi - Tímabundið áfengisleyfi - Lokahóf KND 2023 - 2309018
Sótt er um tímabundið áfengisleyfi vegna lokahófs Knattspyrnudeildar Grindavíkur í íþróttamiðstöðinni í Grindavík 30. september 2023. Bæjarráð mælir með veitingu leyfisins.

Fleira ekki gert. Fundi slitið kl. 16:45.

• Síðast uppfært: 13. september 2023