Styrktarhlaup/ganga � �orbj�rn 9. september

Skemmtun
7. september 2023

Þann 9. september næstkomandi verður haldið styrktarhlaup eða ganga á fjallið Þorbjörn. Grindvíkingum og öðrum áhugasömum er boðið að taka þátt í göngu/styrktarhlaupi á fjallið Þorbjörn laugardaginn eftir rúma viku. Klemenz Sæmundsson, skólameistari Fisktækniskólans og hlaupagarpur hyggst standa fyrir styrktarhlaupi/göngu á Þorbirni þennan dag. Hann ætlar að hlaupa 60 km (20 ferðir og alls um 5000m hækkun) upp og niður fjallið í tilefni af 60 ára afmæli sínu.

Skemmtiganga að frábæru útsýni hefst með leiðsögn kl. 11:00 (um 3 km. upp og niður).

Upplagt er að fara á frísbígolfvöllinn í skógræktinni norðan megin við Þorbjörn með fjölskylduna og grilla þar í notarlegu umhverfi ef veður leyfir.

Allur ágóði af hlaupinu rennur til blóð- og krabbameinslækningadeildar Landspítalans en þar fara fram lyflækningar, einkennis- og stuðningsmeðferðir fyrir sjúklinga með krabbamein og blóðsjúkdóma.

Hvað er boðið upp á?

Skemmtiganga að góðu útsýni með leiðsögn
3km (1 ferð upp og niður)
9km (3 ferðir upp og niður)
15km (5 ferðir upp og niður)
30km (10 ferðir upp og niður)
60km (20 ferðir upp og niður/um 5000m hækkun)
Frjálst fyrir hvern og einn að velja sér göngu-/hlaupalengd sem hentar
Vel merkt göngu/hlaupaleið
Veitingar í boði Samkaupa á staðnum
Drykkjarstöðvar uppi og niðri
Salerni á staðnum
Lifandi tónlist á staðnum
Frisbígolf fyrir þá sem vilja í skógrækt norðan megin við Þorbjörn
Frítt í Sundlaug Grindavíkur þennan dag
Margir góðir veitingastaðir í Grindavík
Merkt bílastæði við aðrein Þorbjörns á Grindavíkurvegi
Þetta verður einfald. Fólk skráir sig á staðnum – Bara mæta þegar hentar og velja sér vegalengd

(Klemenz sjálfur byrjar kl. 07:00 og verður að fram eftir degi)
Ekki keppni
Ekki tímataka
Ekkert þátttökugjald.
Þeir sem vilja styrkja gott málefni endilega leggja inn á reikning nr. 0123-15-123439, kt. 040963-2359 í Landsbankanum. Einnig verður baukur á staðnum sem hægt er að leggja pening í.

Markmið hlaupsins / göngunnar

Markmiðið með hlaupinu/göngunni fyrir utan að safna fyrir góðu málefni og hollri hreyfingu, er að vekja athygli á hvílík útivistarparadís Þorbjörn og nærumhverfi fjallsins er.

Hugmyndin er að byrja smátt en byggja hugsanlega á reynslunni og skipuleggja árlegt hlaup/göngu tengt Þorbirni jafnvel með keppni í huga.

Fyrir 10 árum síðan þegar Klemenz Sæmundsson var að detta í fimmtugt þá hjólaði hann hringinn í kringum landið á átta dögum tæplega 1400 km og hljóp Klemmann (Reykjanesbær-Sandgerði-Garður-Reykjanesbær) í framhaldi af því tæpa 24 km.

Þá var ákveðið að safna fyrir Blóðlækningadeild Landspítalans. Það söfnuðust 965,000 kr. sem deildin notaði til að endurnýja hjá sér setustofuna.

Þægileg gönguleið - Frábært útsýni

Ferðin á Þorbjörn er 30-60 mínútna gönguleið eða um 3 km upp og niður. Gengið er af veginum við Þorbörn sem er lágreist fjall og um 240m á hæð.
Uppi má virða fyrir sér útsýnið og fara ofan í hina djúpu Þjófagjá. Frá fjallinu er stórgæsilegt útsýni yfir Reykjanes, Reykjavíkursvæðið og alveg á Sæfellsnes þar sem jökullinn sést í öllu sínu veldi. Eins sést til gosstöðva við Merardali.

Uppi á fjallinum sjást ummerki braggabyggðar frá því á stríðsárunum. Hægt er að ganga niður fjallið sunnan- og norðan- megin og meðfram því til baka á upphafsstað.

Um Þorbjörn

Þorbjörn er bæjarfjall Grindavíkur og mjög áberandi frá Reykjanesbrautinni þar sem hann rís yfir gufustróka Svartsengis, sem fleiri þekkja sem svæði Bláa lónsins.

Fellið myndaðist í tveimur goshrinum á aðskildum ísaldartímabilum og merki þess eru augljós í sigdæld sem gengur í gegnum fellið.
Þorbjörn er í um 50 km fjarlægð frá Reykjavík sem er innan við klukkustundar akstur frá borginni.