Sorphirða komin á rétt ról

• Fréttir
• 31. ágúst 2023

Sorphirðan á tunnum við heimili á Suðurnesjum á að vera komin á áætlun og uppfært dagatal tilbúið fyrir íbúa sem nálgast má hér.  Þetta kemur fram í fréttatilkynningu sem Kalka sendi frá sér í gær. Þar segir að innleiðing á nýju flokkunarkerfi úrgangs, þar sem flokkað sé í fjóra flokka við húsvegg, hafi farið mjög vel af stað. Íbúar hafi tekið vel í aukna flokkun og góðar heimtur séu bæði á endurvinnsluefnum og lífrænum eldhúsúrgangi. 

Kalka minnir á að tunnur við heimili séu tæmdar á eftirfarndi hátt:

• Blandaður úrgangur á 14 daga fresti
• Lífrænn eldhúsúrgangur á 14 daga fresti
• Pappír / Pappi á 28 daga fresti
• Plastumbúðir á 28 daga fresti

Ef íbúar lendi í að tunnur við heimilin fyllist fyrr er bent á að hægt sé að notast við grenndarstöðvarnar fyrir þá flokka sem tekið er á móti þar sem og móttökuplön Kölku, sem taka á móti öllum úrgangi.

• Síðast uppfært: 31. ágúst 2023