Fundur 542

B�jarstj�rn
31. �g�st 2023

542. fundur bæjarstjórnar Grindavíkur haldinn í bæjarstjórnarsal, þriðjudaginn 29. ágúst 2023 og hófst hann kl. 16:00.
Fundinn sátu:
Ásrún Helga Kristinsdóttir, forseti, Birgitta H. Ramsay Káradóttir, aðalmaður, Hjálmar Hallgrímsson, aðalmaður, Helga Dís Jakobsdóttir var fjarverandi en í staðinn sat fundinn Sævar Þór Birgisson, varamaður, Hallfríður G Hólmgrímsdóttir, aðalmaður, Birgitta Rán Friðfinnsdóttir var fjarverandi en í staðinn sat fundinn Unnar Á Magnússon, varamaður, Gunnar Már Gunnarsson, aðalmaður. Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.

Dagskrá:

1. Beiðni um viðauka vegna kjarasamninga ofl. - bæjarskrifstofa - 2308046
Til máls tók: Ásrún.

Lögð fram beiðni um viðauka vegna launaliða á bæjarskrifstofu og tölvudeild. Alls viðaukabeiðni er 11.625.000 sem lagt er til að verði fjármögnuð með lækkun bókhaldsliðar "21611-1119 Lagt til hliðar vegna kjarasamninga" að fjárhæð 8.069.000 og með hækkun á áætlun staðgreiðslu, bókhaldsliður 00010-0021 að fjárhæð 3.556.000 kr. Bæjarráð leggur til við bæjarstjórn að samþykkja viðaukann.

Bæjarstjórn samþykkir samhljóða tillögu bæjarráðs.

2. Ufsasund 16 - Umsókn um byggingarheimild eða -leyfi - Flokkur 2, - 2308021
Til máls tók: Ásrún.

Guðlaugsson ehf. sækir um byggingarleyfi á lóðinni Ufsasund 16 skv. meðfylgjandi aðaluppdráttum frá Faglausnum dagsett 22.07.2023. Umsóknin er í samræmi við gildandi deiliskipulag fyrir lóðina. Á fundi nr. 123 hjá skipulagsnefnd var erindinu vísað til afgreiðslu bæjarstjórnar.

Bæjarstjórn samþykkir samhljóða byggingaleyfið.

3. Sorphirða í kjölfar breytinga 2023 - 2308206
Til máls tók: Ásrún.

Þónokkuð hefur borið á kvörtunum íbúa í kjölfar breytinga í 4 flokka kerfi. Nýjar tunnur voru afhentar um mánaðarmótin maí, júní og hefur tíðni sorphirðu verið óljós. Bókun Það er mjög hvimleitt að biðla til fólks að taka upp nýtt verklag og innleiða breytingar þegar innviðir eða skipulag er ekki reiðubúið. Við höfum skilning á því að eitthvað aðlögunarferli þurfi sem hafi áhrif á sorphirðuna og skipulagið, en það er ákjósanlegra að íbúar hafi hugmynd varðandi áætlun sorphirðunnar. Best væri að áætlunin myndi birtast á heimasíðunni sem fyrst, þó hún þyrfti að taka breytingum sem væri hægt að kynna fyrir íbúum jafnóðum. Við óskum eftir því að Kalka birti aðgengilega sorphirðuáætlun sem allra fyrst ásamt því að upplýsa ef sorphirða breytist.

Bæjarstjórn Grindavíkur

4. Fundargerðir - Heilbrigðisnefnd Suðurnesja 2023 - 2301117
Til máls tóku: Ásrún, Birgitta Hrund, Hallfríður, Gunnar Már, bæjarstjóri, Unnar og Hjálmar.

Fundargerð 302. fundar Heilbrigðisnefndar Suðurnesja, dags. 24. ágúst sl. er lögð fram til kynningar.

5. Fundargerðir - Samband sveitarfélaga á Suðurnesjum 2023 - 2302049
Til máls tóku: Ásrún, bæjarstjóri og Birgitta Hrund.

Fundargerð 791. fundar Sambands sveitarfélaga á Suðurnesjum, dags. 9. ágúst sl. er lögð fram til kynningar.

6. Bæjarráð Grindavíkur - 1645 - 2306002F
Til máls tóku: Ásrún og Hallfríður.