Í sumar mun félagsmiðstöðin Þruman bjóða uppá frístundastarf fyrir börn sem ljúka 4.-7.bekk nú í vor. Boðið verður uppá smiðjur á tímabilinu 12.júní til 3.júlí. Um er að ræða nokkrar mismunandi smiðjur sem standa yfir milli 10:00-12:00. Lagt er upp með að hafa fjölbreytileika í dagskránni til þess að flestir geti fundið eitthvað við sitt hæfi. Smiðjurnar fara fram í Þrumunni, ásamt því sem farið er í nokkrar ferðir innanbæjar.
Dagskráin er tvískipt og hefur hver árgangur tvo daga í viku til að mæta í sumar Þrumuna.
4.-5.bekkur (árgangar 2013 og 2012) verða á þriðjudögum og fimmtudögum
6.-7.bekkur (árgangar 2011 og 2010) verða á mánudögum og miðvikudögum
Listaklúbbur Þrumunnar mun starfa áfram á mánudögum kl. 13:00 í Kvikunni. Þangað eru velkomnir unglingar úr 7.-10. bekk (2010, 2009, 2008 og 2007).
Hægt er að fylgjast með dagskrá og upplýsingum á instagram Þrumunnar @thrumugram
Nánari upplýsingar veitir: Melkorka Ýr, forstöðumaður Þrumunnar melkorkam@grindavik.is