Nýtt líf í Kvikunni

• Fréttir
• 30. maí 2023

Menningarhúsið Kvikan og Óskar Kristinn Vignisson bjóða upp á kvikmyndakvöld miðvikudaginn 31. maí kl. 20:00. Sýnd verður kvikmyndin Nýtt líf frá árinu 1983. Myndin fjallar um þá Þór og Danna sem hefja „nýtt líf“ þegar þeir ráða sig á vertíð í Vestmannaeyjum. 

Grindvíski leikstjórinn Óskar Kristinn Vignisson mun kynna myndina fyrir sýningu og jafnvel taka við nokkrum spurningum að henni lokinni.

Það verður kósý stemning í Kvikunni, boðið verður upp á kaffi en gestir eru hvattir til að koma með nesti þar sem engin sjoppa er á staðnum.

Aðgangur ókeypis.
 

• Síðast uppfært: 30. maí 2023