Hvatningarverðlaun Grindavíkurbæjar í fræðslumálum

• Fréttir
• 27. apríl 2023

Fræðslunefnd Grindavíkurbæjar auglýsir eftir tilnefningum til hvatningarverðlauna í fræðslumálum. Markmið verðlaunanna er að auka jákvæða umfjöllun um skólastarf og fræðslustarf í Grindavík.

Hvatningarverðlaunin eru hrós til þeirra sem hafa sýnt framúrskarandi vinnu í skólastarfi og fræðslustarfi í Grindavík. Þau eru einnig hugsuð sem staðfesting á að viðkomandi er fyrirmynd annarra á því sviði sem viðurkenningin nær til.

Auglýst er eftir tilnefningum að verkefnum innan Grindavíkurbæjar sem þykja skara fram úr og vera til eftirbreytni. Hægt er að tilnefna kennara, kennarahópa og starfsmenn í leikskólum, grunnskóla, tónlistarskóla, félagsmiðstöð og skólaseli í Grindavík.

Allir geta komið tilnefningu á framfæri með því að senda inn upplýsingar á netfangið johannalilja@grindavik.is fyrir 1. maí 2023.

Fræðslunefnd velur úr tilnefningum á fundi sínum og afhendir verðlaun í lok skólaársins.
 

• Síðast uppfært: 27. apríl 2023