Laus st�rf: F�lagsr��gjafi

Fr�ttir
29. mars 2023

Félagsþjónustan í Grindavík auglýsir starf félagsráðgjafa laust til umsóknar. Um er að ræða 100% starf sem felur í sér verkefni á grundvelli barnaverndarlaga nr. 80/2002 og laga nr. 40/1991 um félagsþjónustu sveitarfélaga, auk annarra laga á sviði félagsþjónustu.

Til greina kemur að ráða starfsmann með aðra háskólamenntun sem nýtist í starfinu. Viðkomandi starfsmaður þarf að geta hafið störf sem allra fyrst.

Helstu verkefni og ábyrgð:

Annast meðferð mála einstaklinga og fjölskyldna innan félagsþjónustu, þ.m.t. félagslega ráðgjöf og fjárhagsaðstoð
Málstjórn í þjónustu í þágu farsældar barna
Annast könnun og meðferð barnaverndarmála
Þátttaka í þverfaglegri teymisvinnu m.a. með skólum, leikskólum og öðrum þjónustustofnunum vegna málefna barna og fjölskyldna þeirra

Menntunar- og hæfniskröfur:

Starfsréttindi í félagsráðgjöf eða viðkomandi fagi
Þekking og reynsla af störfum í félagsþjónustu sveitarfélaga og/eða barnavernd er æskileg
Góð alhliða tölvukunnátta er skilyrði. Þekking á OneSystem er kostur
Framúrskarandi hæfni í mannlegum samskiptum og áhugi og reynsla af teymisvinnu
Frumkvæði, sjálfstæði og nákvæmni í vinnubrögðum
Jákvætt viðhorf og geta til að vinna undir álagi
Gott vald á íslensku í ræðu og riti
PMTO meðferðarmenntun er kostur

Launakjör eru samkvæmt kjarasamningi Sambands Íslenskra sveitarfélaga við viðkomandi stéttarfélag.

Umsókn um starfið þarf að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni viðkomandi í starfið. Afrit af prófskírteini og leyfisbréfi þurfa að fylgja umsókn. Umsóknarfrestur er til og með 14. apríl 2023. Sótt er um starfið HÉR.

Öllum umsóknum verður svarað þegar ákvörðun um ráðningu liggur fyrir. Allir áhugasamir einstaklingar, óháð kyni, eru hvattir til að sækja um.

Nánari upplýsingar gefa Nökkvi Már Jónsson, sviðsstjóri félagsþjónustu- og fræðslusviðs (nmj@grindavik.is) og Valgerður Ágústsdóttir, yfirfélagsráðgjafi (valgerdura@grindavik.is) í síma 420-1100.