120. fundur frístunda- og menningarnefndar haldinn í bæjarstjórnarsal, miðvikudaginn 2. nóvember 2022 og hófst hann kl. 16:00.

Fundinn sátu: Sigríður Etna Marinósdóttir, formaður, Irmý Rós Þorsteinsdóttir, varaformaður, Þórunn Erlingsdóttir, varamaður, Hulda Kristín Smáradóttir, aðalmaður, Auður Arna Guðfinnsdóttir, aðalmaður, Eggert Sólberg Jónsson, sviðsstjóri frístunda- og menningarsviðs. 

Fundargerð ritaði: Eggert Sólberg Jónsson, Sviðsstjóri frístunda- og menningarsviðs.

Dagskrá:

1.      Íþróttafólk Grindavíkur 2022 - 2210096
    Rætt um fyrirkomulag kjörs og útnefningu á íþróttafólki Grindavíkur 2022. Frístunda- og menningarnefnd hefur möguleika á að tilnefna einstaklinga með lögheimili í Grindavík sem skarað hafa fram úr í íþróttum og utan íþróttafélaga í Grindavík. Nefndin mun ekki nýta rétt sinn á að tilnefna að þessu sinni. 
         
2.      Hönnun sundlaugarsvæðis og aðliggjandi mannvirkja - 2210067
    Frumdrög að hönnun sundlaugarsvæðis frá 18. október 2022 lögð fram ásamt niðurstöðu rýnifundar með hagaðilum. 

Tillagan byggir á framtíðarsýn frístunda- og menningarnefndar fyrir sundlaugarsvæðið sem samþykkt var á 117. fundi nefndarinnar. 
         
3.      Lýðheilsa á Suðurnesjum - Viðtalsrannsókn - 2210088
    Niðurstöður rannsóknar á lýðheilsu íbúa á Suðurnesjum lagaðar fram. Skýrslunni fylgja tillögur þátttakenda í rýnihópum hvernig bæta megi lýðheilsu íbúa.
         
4.      Fjárhagsáætlun 2023 - Frístunda- og menningarsvið - 2209012
    Staða fjárhagsáætlunar 2023 kynnt. 
         
5.      Erindi til nefndasviðs Alþingis - 2210094
    Lagt fram erindi frá Grindavíkurbæ til fjárlaganefndar, dags. 27. okt. sl. vegna beiðni um stuðning við gestastofu og samfélagsmiðstöð í Kvikunni.
         
6.      Undirskriftalisti vegna opnunartíma Þrumunnar - 2210053
    Lagður fram listi með undirskriftum 159 unglinga þar sem óskað er eftir fleira starfsfólki í Þrumuna til að tryggja opnun í öllum frímínútum.
         
7.      Skil á upplýsingum vegna starfsstyrkja á frístunda- og menningarsviði - Golfklúbbur Grindavíkur - 2210082
    Innsend gögn frá Golfklúbbi Grindavíkur vegna starfsstyrks 2022 lögð fram.
         
8.      Landsmót unglingadeilda Slysavarnafélagsins Landsbjargar 2023 - 2210098
    Erindi frá Unglingadeildinni Hafbjörgu lagt fram þar sem óskað er eftir styrk vegna landsmóts unglingadeilda Slysavarnarfélagsins Landsbjargar sem að fram fer í Grindavík í júní 2023. 

Nefndin tekur vel í erindið og vísar því til afgreiðslu í bæjarráði. 
         
9.      Deiliskipulag við Þorbjörn - 2110060
    Deiliskipulagstillaga við Þorbjörn lögð fram til kynningar. 

Nefndin leggur áherslu á að möguleiki verði að koma upp leiksvæði í Selskógi sem og sunnan við Þorbjörn. 

Þá bendir nefndin á að þörf sé á að lýsa upp göngustíginn milli þéttbýlisins í Grindavík og Selskógar. 
         
10.      Ósk um styrk á móti greiðslu fasteignagjalda - 2209051
    Minja- og sögufélag Grindavíkur eignaðist nýlega fasteignina Kreppu og óskar eftir styrk á móti greiðslu fasteignagjalda. 

Nefndin óskaði eftir frekari gögnum frá félaginu á síðasta fundi sínum. 

Nefndin leggur til við bæjarráð að veita félaginu styrk á móti greiðslu fasteignagjalda á árinu 2023 með þeim fyrirvara að unnið verði að uppbyggingu hússins á því ári í samræmi við framlögð gögn. 
         
11.      Lýðheilsuteymi - 9 - 2210011F 
    Fundargerð 9. fundar lýðheilsuteymis Grindavíkurbæjar lögð fram til kynningar.
         
 

Fleira ekki gert. Fundi slitið kl. 17:25.
 

• Síðast uppfært: 3. nóvember 2022