Hefur þú áhuga á því að taka þátt í spennandi starfi Ungmennaráðs Grindavíkur?

• Fréttir
• 20. september 2022

Í samræmi við samþykktir Ungmennaráðs er auglýst eftir framboðum í Ungmennaráðið. Eftirfarandi fimm sæti eru laus:

13-16 ára.

• Einn aðalmaður til eins árs.
• Tveir varamenn til eins árs.

Verði frambjóðendur fleiri en sæti í kjöri, skal fara fram bein kosning meðal nemenda í Grunnskóla Grindavíkur.

16-18 ára.

• Einn aðalmaður til tveggja ára.
• Einn varamaður til eins árs.

Verði frambjóðendur fleiri en sæti í kjöri, skal fara fram bein kosning á auglýstum framboðsfundi. Atkvæðisbærir eru ungmenni á aldrinum 16-18 ára með lögheimili í Grindavík.

Helsta markmið og hlutverk ungmennaráðs er:

• að koma skoðunum og tillögum ungs fólks til viðeigandi aðila í stjórnkerfi sveitarfélagsins,
• að gæta hagsmuna ungs fólks t.d. með umfjöllun og umsögnum um einstök mál sem snerta aldurshópinn sérstaklega,
• að undirbúa árlegt þing ungs fólks í Grindavík í samstarfi við viðeigandi stofnanir og forstöðumenn,
• að fulltrúar ráðsins þjálfist í lýðræðislegum vinnubrögðum og læri á stjórnkerfi sveitarfélagsins,
• að vera ráðgefandi um framtíðarsýn í rekstri félagsmiðstöðva sveitarfélagsins,
• að gera tillögur til bæjarstjórnar um stefnumörkun um málefni ungs fólks

Tilkynningu um framboð skal senda á netfangið elinborg@grindavik.is. Senda skal nafn, heimilisfang, netfang og kennitölu. Auk þess þarf að fylgja með af hverju viðkomandi hafi áhuga á að bjóða sig fram í ungmennaráð. Framboðsfrestur er til og með 27.september 2022.

Nánari upplýsingar veitir Elínborg Ingvarsdóttir, elinborg@grindavik.is

• Síðast uppfært: 20. september 2022