1619. fundur bæjarráðs Grindavíkur haldinn í bæjarstjórnarsal, þriðjudaginn 23. ágúst 2022 og hófst hann kl. 15:00.

Fundinn sátu: Hjálmar Hallgrímsson, formaður, Helga Dís Jakobsdóttir, varaformaður, Hallfríður G Hólmgrímsdóttir, aðalmaður og Ásrún Helga Kristinsdóttir, áheyrnarfulltrúi.

Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri. 

Fundargerð ritaði: Jón Þórisson, sviðsstjóri fjármála- og stjórnsýslusviðs.

Dagskrá:
1. Umsókn um skólavist utan lögheimilissveitarfélags - 2203001
Sviðsstjóri félagsþjónustu- og fræðslusviðs sat fundinn undir þessum dagskrárlið. 

Lögð fram umsókn Karólínu Hreiðarsdóttir, dags. 18.08.2022, um námsvist utan lögheimilissveitarfélags á komandi skólaári. 

Bæjarráð samþykkir erindið.

2. Heimilið - Beiðni um viðauka - 2208071
Sviðsstjóri félagsþjónustu- og fræðslusviðs sat fundinn undir þessum dagskrárlið. 

Lögð fram beiðni um viðauka til að mæta sértækri þjónustu við heimilismann við sambýlið á Túngötu 15-17. 

Bæjarráð samþykkir erindið og að fjármögnunin verði með ónýttri heimild annarra stöðugilda sambýlisins.

3. Brunavarnaáætlun Slökkvilið Grindavíkur 2022-2026 - 2208069
Slökkviliðsstjóri sat fundinn undir þessum dagskrárlið. 

Brunavarnaáætlun fyrir Slökkvilið Grindavíkur 2022-2026 lögð fram til umfjöllunar og samþykkis. 

Bæjarráð samþykkir framlagða brunavarnaáætlun.

4. Byggðastofnun - Samanburður fasteignagjalda viðmiðunareignar árið 2022 - 2208068
Lögð fram samanburðarskýrsla Byggðastofnunar vegna fasteignagjalda viðmiðunareignar árið 2022.

5. Innri leiga Eignasjóðs - viðaukabeiðni við fjárhagsáætlun 2022 - 2208076
Lögð er fram beiðni um viðauka vegna hækkunar gjalda hjá aðalsjóði um 52.368.578 kr. og hækkun gjalda þjónustumiðstöðvar um 3.777.332 kr., sbr. framlagða sundurliðun. 

Fjármögnun viðaukans er með hækkun tekna eignasjóðs að fjárhæð 56.145.910 kr. 

Bæjarráð samþykkir viðaukann.

6. Fjárhagsáætlun 2023-2026 - Grindavíkurbær og stofnanir - 2208066
Tímaáætlun vegna fjárhagsáætlunar 2022-2025 er lögð fram til umræðu og samþykktar. 

Bæjarráð samþykkir tímaáætlunina.

7. Eldgos í Meradölum - 2208004

Farið yfir stöðu mála.

Fleira ekki gert. Fundi slitið kl. 16:35.

• Síðast uppfært: 24. ágúst 2022