17. júní 2022 í Grindavík

• Fréttir
• 14. júní 2022

Hæ, hó, jibbí, jei! Grindavíkurbær býður íbúum til veislu í tilefni af þjóðhátíðardegi Íslendinga.

Hátíðarhöldin hefjast við Grindavíkurkirkju þar sem fjallkona mun koma fram auk sóknarprests og fulltrúa bæjarstjórnar. Í framhaldinu verður boðið upp á veitingar í safnaðarheimilinu. 

Hátíðarhöldin eftir hádegi munu, líkt og síðustu ár, að mestu fara fram á Grindavíkurvelli og í Kvikunni. Á Grindavíkurvelli gefst börnum kostur á að taka þátt í skemmtilegu hlaupi umhverfis fótboltavöllinn þar sem komið verður fyrir einfaldri þrautabraut. Allir þáttakendur fá þáttökuverðlaun við komuna í mark. Í framhaldi af hlaupinu mun flugvél fljúga yfir æfingarsvæðið við Hópið og láta karamellum rigna. 

Að lokinni dagskránni á Grindavíkurvelli færist þungi hátíðarhaldanna í Kvikuna þar sem börnin geta hoppað í hoppuköstulum, farið á hestbak og séð sirkuslistamenn leika listir sínar. Þá verður boðið upp á kaffiveitingar í tilefni dagsins. Á svæðið mætir töframaður og börn sem æft hafa söng undir leiðsögn Bertu Drafnar Ómarsdóttur taka lagið.

Dagskrá 17. júní 2022

8:00 Fánar dregnir að húni

10:00 Hátíðarstund við Grindavíkurkirkju

• Ávarp fjallkonu
• Ávarp fulltrúa bæjarstjórnar
• Ávarp sóknarprests

13:00 17. júní hlaup og karamelluregn á Grindavíkurvelli fyrir 12 ára og yngri

14:00-17:00 Hátíðaropnun í Kvikunni

• Hoppukastalar fyrir börnin
• Töframaðurinn Einar Aron mætir á svæðið
• Nemendur á söngnámskeiði Bertu Drafnar Ómarsdóttur taka lagið
• Börnum boðið á hestbak milli 14:30 og 16:30
• Húllahringir og krítar í Húllinu
• Kaffiveitingar í boði í tilefni dagsins
• Sýningin Saltfiskur í sögu þjóðar opin á efri hæðinni

• Síðast uppfært: 14. júní 2022