Lokun gatna 10.-12. júní

• Fréttir
• 8. júní 2022

Nú styttist í Sjóarann síkáta, bæjarhátíð okkar Grindvíkinga sem að fram fer helgina 10.-12. júní nk. Líkt og undanfarin áður er meginþungi hátíðarhaldanna við Kvikuna, þ.e. á Hafnargötunni og á Seljabót milli Mánagötu og Ránargötu.

Vakin er athygli á þeim lokunum sem verða á svæðinu frá kl. 13:00 föstudaginn 10. júní til kl. 18:00 sunnudaginn 12. júní, eða á meðan hátíðarhöldunum stendur.

Settar verða upp lokanir/þrengingar á eftirfarandi stöðum:

• Milli Hafnargötu 12 og 12a (Þorbjarnar og Kvikunnar)
• Milli Hafnargötu 9a og 14 (Grindarinnar og Vísis)
• Við gatnamót Mánagötu og Seljabótar (neðan við Þorbjörn)
• Við gatnamót Ránargötu og Seljabótar (neðan við Vísi)

Hafnargötu verður hægt að keyra eftir að dagskrá lýkur á laugardegi og þar til hún hefst á sunnudagsmorgni. Búast má við því að þrengingar verði settar upp fimmtudaginn 9. júní.

• Síðast uppfært: 8. júní 2022