74. fundur Almannavarnarnefndar Grindavíkur haldinn Seljabót 10, húsnæði Björgunarsveitarinnar Þorbjarnar, þriðjudaginn 17. maí 2022 og hófst hann kl. 15:00.

Fundinn sátu:
Fannar Jónasson, bæjarstjóri, Atli Geir Júlíusson, sviðsstjóri skipulags- og umhverfissviðs, Jón Valgeir Guðmundsson, björgunarsveitin Þorbjörn, Sigurður Bergmann, lögreglunni á Suðunesjum, Einar Sveinn Jónsson, slökkviliðsstjóri..  

Fundargerð ritaði:  Atli Geir Júlíusson, sviðsstjóri skipulags- og umhverfissviðs.

Gestir á fundi: 
Ámundínus Öfjörð, Bláa Lóninu, Bogi Adolfsson, björgunarsveitin Þorbjörn, Otti Sigmarsson, björgunarsveitin Þorbjörn, Hallgrímur Smári Þorvaldsson, HS Orku, Hjálmar Hallgrímsson, lögreglan á Suðurnesjum, Steinar Þór Kristinsson, björgunarsveitinni Þorbjörn. 

Gestir á fundi í gegnum fjarfundarbúnað: 
Björn Oddsson, Almannavarnadeild Ríkislögreglustjóra, Gunnar Schram, lögreglan á Suðurnesjum, Friðjón Viðar Pálmason, Almannavarnadeild Ríkislögreglustjóra, Halldór Hólm Harðarson, Almannavarnadeild Ríkislögreglustjóra, Jón Svanberg Hjartarson, Almannavarnadeild Ríkislögreglustjóra,

Dagskrá:

1.      Jarðskjálftar og landris við Grindavík 2022 - 2205199
    Björn Oddsson frá Almannavarnadeild Ríkislögreglustjóra sat fundinn undir dagskrárliðnum og kynnti stöðu mála varðandi jarðskjálfta og landris við Grindavík. 

Frá því almannavarnanefnd Grindavíkur fundaði þann 12. maí sl. hefur Ríkislögreglustjóri í samráði við lögreglustjórann á Suðurnesjum lýst yfir óvissustigi Almannavarna vegna jarðskjálftahrinu á Reykjanesskaga. 

Samkvæmt GPS mælaneti á Reykjanesskaganum og InSAR gervihnattamyndum eru færslur á yfirborði jarðar sem sýna þenslumerki sem bendir til landriss vestur af Þorbirni, líklega vegna kvikusöfnunar. Samkvæmt frumniðurstöðum er þetta á 4-5 km dýpi. 

Almannavarnarnefnd ákveður að skipuleggja íbúafund með sambærilegum hætti og gert var á árinu 2020 þegar landris var við Þorbjörn. 

Fleira ekki gert. Fundi slitið kl. 16:30.
 

• Síðast uppfært: 18. maí 2022