Góðan daginn Grindvíkingur - Nýtt hlaðvarp Grindavíkurbæjar

• Fréttir
• 8. maí 2022

Fyrstu þættirnir af Góðan daginn Grindvíkingur, nýju hlaðvarpi Grindavíkurbæjar, eru komnir í loftið. Hlaðvörp, fyrir þá sem ekki þekkja til, eru spennandi leið til þess að miðla upplýsingum um þjónustu sveitarfélagsins og þau verkefni sem unnið er að. Þá gefst tækifæri með hlaðvarpinu til að kynnast áhugaverðu fólki og heyra sögur þeirra sem auðga samfélagið okkar. 

Hlaðvarpið er tekið upp í Studo°240, sem staðsett er í félagsmiðstöðinni Þrumunni og sett var upp að frumkvæði ungmennaráðs Grindavíkurbæjar. Ungmennaráð hefur einmitt umsjón með fimm af sex fyrstu þáttum hlaðvarpsins þar sem rætt er við oddvita þeirra framboða sem bjóða fram í sveitastjórnarkosningum í Grindavík þann 14. maí nk. 

Heiti hlaðvarpsins, Góðan daginn Grindvíkingur, eru sótt í kvæði eftir Örn Arnarson en í fyrsta þætti hlaðvarpsins segir Aðalgeir Jóhannsson (Alli á Eyri) m.a. frá sögu kvæðisins. 

• Síðast uppfært: 8. maí 2022