Á síðasta fundi bæjarráðs Grindavíkur, þann 11. janúar sl. var til umræðu kaup á stúku og töflu í nýjan íþróttasal. Gert er ráð fyrir á fjárfestingaráætlun þessa árs að nýrri stúku og nýjum skjám eða stigatöflu verði komið fyrir í nýja salnum. Undirbúningur verksins er í gangi en á fundinum var lögð fram kostnaðaráætlun um að koma líka fyrir veggsvölum fyrir ofan stúkuna ásamt fjölmiðlastúku við ritaraborð. Sannarlega gleðitíðindi fyrir körfuknattleiksdeild Grindavíkur.