1598. fundur bæjarráðs Grindavíkur haldinn í bæjarstjórnarsal, þriðjudaginn 16. nóvember 2021 og hófst hann kl. 16:00.
 

Fundinn sátu:
Hjálmar Hallgrímsson formaður, Sigurður Óli Þórleifsson varaformaður, Hallfríður G Hólmgrímsdóttir áheyrnarfulltrúi, Páll Valur Björnsson áheyrnarfulltrúi og Helga Dís Jakobsdóttir aðalmaður, Einnig sátu fundinn: Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.

Í upphafi fundar óskaði formaður eftir að taka á dagskrá mál með afbrigðum sem 7. mál: 2108097 - Rekstrarleyfi veitingastaðar í flokki II - 22.10 ehf. Samþykkt samhljóða.

Dagskrá:

1. Húsnæðismál Fisktækniskóla Íslands - 2111026
Skólameistari Fisktækniskóla Íslands mætti á fundinn undir þessum dagskrárlið. Lagt fram rekstraryfirlit Fisktækniskólans frá stofnun árið 2008 til ársins 2021.

Farið yfir möguleika skólans í framtíðinni.

2. Húsnæðisúrræði v. Víkurbraut 62, 3. hæð - 2106045
Málinu er frestað til næsta fundar bæjarráðs.

3. Gestastofa Reykjanes jarðvangs - 2111028
Sviðsstjóri frístunda- og menningarsviðs sat fundinn undir þessum dagskrárlið.

Lagt fram minnisblað sviðsstjóra frístunda- og menningarsviðs, vegna gestastofu RGP, dags 11.11.2021.

4. Uppbygging á íþróttasvæðinu í Grindavík - 2111032
Sviðsstjóri frístunda- og menningarsviðs sat fundinn undir þessum dagskrárlið. Formaður og framkvæmdastjóri UMFG komu á fundinn undir umræðum þessa dagskrárliðar.

5. Fyrirspurn um skautahöll á Suðurnesjum - 2111029
Lögð fram bókun á fundi SSS nr. 773 þann 12. nóv. sl. vegna málsins.

6. Stígamót - styrkbeiðni - 2011067
Lögð fram styrkbeiðni frá Stígamótum. Bæjarráð samþykkir 50.000 kr. styrk á árinu 2022 og felur sviðsstjóra fjármála- og stjórnsýslusviðs að uppfæra fjárhagsáætlun 2022 til samræmis.

7. Rekstrarleyfi veitingastaðar í flokki II - 22.10 ehf. - 2108097
Lögð fram beiðni um umsögn vegna umsóknar um rekstrarleyfi veitingastaðar í flokki II. Fyrir liggja umsagnir frá HES, byggingafulltrúa og slökkviliði Grindavíkur.

Bæjarráð mælir með veitingu leyfisins.

Fleira ekki gert. Fundi slitið kl. 18:05.

• Síðast uppfært: 17. nóvember 2021