1597. fundur bæjarráðs Grindavíkur haldinn í bæjarstjórnarsal, þriðjudaginn 9. nóvember 2021 og hófst hann kl. 16:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður, Hallfríður G Hólmgrímsdóttir, áheyrnarfulltrúi, Páll Valur Björnsson, áheyrnarfulltrúi og Helga Dís Jakobsdóttir, aðalmaður.
Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Framtíð sundlaugarsvæðis - 2110014
Frístunda- og menningarnefnd leggur til við bæjarstjórn að unnið verði að hönnun sundlaugamannvirkja samhliða deiliskipulagningu íþróttasvæðisins.
Bæjarráð vísar málinu í fjárhagsáætlunargerð fyrir árið 2022.
2. Kostnaður vegna aðkeyptrar lögfræðiþjónustu hjá Grindavíkurbæ - 2108099
Yfirlit yfir kostnað Grindavíkurbæjar vegna þjónustu lögfræðinga árin 2018-2021 lagt fram.
3. Ályktun bæjarráðs Árborgar um leikskólamál - 2111010
Lögð fram áskorun bæjarráðs Árborgar á stjórn Sambands íslenskra sveitarfélaga að beita sér fyrir fullri viðurkenningu ríkisvaldsins á leikskólastiginu sem menntastofnun.
Bæjarráð tekur undir áskorun bæjarráðs Árborgar.
4. Verkefni vegna innleiðingar hringrásarkerfis - 2111012
Lögð fram hvatning Stjórnar Sambands íslenskra sveitarfélaga til sveitarstjórna að hefja nú þegar undirbúning fyrir gildistöku lagabreytinga um hringrásarhagkerfi sem taka gildi 1. janúar 2023.
5. Loftslagsvernd í verki - 2111011
Lagt fram boð Landverndar á fjarnámskeið með gagnvirkri þátttöku í Vefskóla Landverndar.
6. Fjárhagsáætlun 2022-2025 - Grindavíkurbær og stofnanir - 2107043
Bæjarfulltrúarnir Guðmundur Pálsson og Birgitta Káradóttir sátu fundinn undir þessum dagskrárlið. Vinnuskjöl vegna fjárhagsáætlunar lögð fram til umræðu.
Fleira ekki gert. Fundi slitið kl. 18:25.