Langþráð hundagerði komið í notkun

• Fréttir
• 1. október 2021

Hundagerði í Grindavík er klárt til notkunar fyrir hunda og eigendur þeirra. Um er að ræða 900 fm svæði norðan við Nesveg rétt við þéttbýlismörkin. Hundagerðið hefur verið í vinnslu í nokkurn tíma en fyrir tveimur árum var gerð könnun á meðal íbúa bæjarins um afstöðu til hundagerðis innan bæjarins og voru langflestir mjög jákvæðir fyrir slíku gerði, hvort sem fólk átti hunda eða ekki. 

Í undirbúningi er að setja ruslatunnu við svæðið en einnig þarf að setja skili með umgengnisreglum á svæðið. Sem fyrr óskar Grindavíkurbær eftir umsjónaraðilum að svæðinu sem m.a. sjá um að setja saman umgengnisreglur. 

Myndir af hundagerðinu tók Gerða Hammer og eru þær birtar með góðfúslegu leyfi hennar

• Síðast uppfært: 1. október 2021