Uppistandshópurinn VHS sýnir VHS krefst virðingar í Kvikunni miðvikudaginn 15. september kl. 20:00. Sýningin var frumsýnd 3. september sl. í Tjarnarbíó er því um glænýtt grín að ræða. Hópurinn lofar geggjaðari kvöldstund, ótrúlegasta uppistandi Íslandssögunar myndu sum segja, sjón er sögu ríkari.
VHS hefur notið mikilla vinsælda undanfarin misseri og hafa iðulega komist færri að á sýningu en vilja. Hópurinn hefur haldið sýningar víða um land, gefið út sýningu á RÚV og haldið táknmálstúlkaða jólasýningu í beinu streymi.
Miðasala er hafin í Kvikunni og er miðaverð 1.000 kr. Athugið að sætaframboð er takmarkað og gildir reglan fyrstur kemur fyrstur fær!
Látið ekki happ úr hendi sleppa!
VHS eru: Vigdís Hafliðadóttir, Vilhelm Neto, Hákon Örn Helgason og Stefán Ingvar Vigfússon