1583. fundur haldinn í bæjarstjórnarsal, þriðjudaginn 8. júní 2021 og hófst hann kl. 16:00.
Fundinn sátu:
Hjálmar Hallgrímsson, formaður Sigurður Óli Þórleifsson, varaformaður, Hallfríður G Hólmgrímsdóttir, áheyrnarfulltrúi, Páll Valur Björnsson, áheyrnarfulltrúi og Helga Dís Jakobsdóttir, aðalmaður.
Einnig sátu fundinn: Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Umsókn um skólavist - 2106027
Sviðsstjóri félagsþjónustu- og fræðslusviðs sat fundinn undir þessum dagskrárlið. Lögð fram beiðni um heimild til að ljúka grunnskólanámi í grunnskóla í Reykjavík á komandi skólaári.
Bæjarráð samþykkir erindið og sviðsstjóra falið að vinna málið áfram.
2. Félagsaðstaða eldri borgara - hönnun og undirbúningur - 2102060
Sviðsstjóri félagsþjónustu- og fræðslusviðs og sviðsstjóri skipulags- og umhverfissviðs sátu fundinn undir þessum dagskrárlið. Staðan á hönnun félagsaðstöðu eldri borgara lögð fram til kynningar.
3. Deiliskipulagsbreyting - Orkuvinnslusvæði á Reykjanesi - 2012024
Sviðsstjóri skipulags- og umhverfissviðs sat fundinn undir þessum dagskrárlið. Greinargerð og skipulagsuppdráttur deiliskipulagsbreytingar á Reykjanesi lögð fram. Skipulagsnefnd samþykkir á fundi sínum þann 31. maí sl. að deiliskipulagstillagan verði send í auglýsingu í samræmi við skipulagslög nr. 123/2010 Erindinu var vísað til bæjarstjórnar til afgreiðslu.
Bæjarráð samþykkir samhljóða afgreiðslu skipulagsnefndar.
4. Hjólreiðafélag Reykjavíkur - óskað eftir leyfi til að halda hjólreiðakeppnina Bluelagoon Challenge 2021 - 2106051
Sviðsstjóri skipulags- og umhverfissviðs sat fundinn undir þessum dagskrárlið. Hjólreiðafélag Reykjavíkur sækir um leyfi til að halda hjólreiðakeppnina Bluelagoon Challenge sem ræst verður þann 12. júní kl. 19:00 frá Hafnarfirði.
Bæjarráð Grindavíkurbæjar bendir á að samkvæmt umferðarlögum nr 77/2019 ber þeim sem ætla að halda hjólreiðakeppni á vegum að fá leyfi hjá lögreglu, auk veghaldara.
Bæjarráð gerir athugasemd við það að óskað er eftir lokun á vegum vegna mótahaldins.
5. Viðburður við Kleifarvatn - 2106062
Sviðsstjóri skipulags- og umhverfissviðs sat fundinn undir þessum dagskrárlið. Ölgerðin sækir um leyfi fyrir minniháttar viðburði við Kleifarvatn þann 12. júní kl. 14:00-16:00.
Bæjarráð samþykkir erindið að því tilskyldu að svæðinu verði skilað í sama ástandi.
6. Framkvæmdir við golfvöll - 2106052
Sviðsstjóri skipulags- og umhverfissviðs sat fundinn undir þessum dagskrárlið. Hugmyndir um framkvæmdir við golfvöll lagðar fram.
Bæjarráð vísar erindinu til skipulagsnefndar.
7. Hundagerði - Svæði innan Grindavíkurbæjar - 2106053
Sviðsstjóri skipulags- og umhverfissviðs sat fundinn undir þessum dagskrárlið. Staðan á vinnu við hundagerði í Grindavík lögð fram til kynningar.
8. Hleðslustöðvar í Grindavík - 2011031
Sviðsstjóri skipulags- og umhverfissviðs sat fundinn undir þessum dagskrárlið. Staða málsins lögð fram til kynningar.
9. Eignfærð fjárfesting jan-maí 2021 - 2106063
Sviðsstjóri skipulags- og umhverfissviðs sat fundinn undir þessum dagskrárlið. Lögð fram staða á fjárfestingaráætlun 2021 eftir fyrstu fimm mánuði ársins.
10. Stígur frá Grindavík vestur að golfvelli - 2002001
Sviðsstjóri skipulags- og umhverfissviðs sat fundinn undir þessum dagskrárlið. Framkvæmdum við göngu- og hjólastíg frá Bótinni að golfvelli er lokið. Lokaskýrsla lögð fram.
11. Landakaup - Vindheimar í Grindavík - 2106017
Lögð fram drög að kaupsamingi og afsali.
Bæjarráð samþykkir kaupin og felur bæjarstjóra undirritun.
12. Gjaldfrjálsar tíðavörur í grunnskólanum - 2105180
Sviðsstjóri félagsþjónustu- og fræðslusviðs sat fundinn undir þessum dagskrárlið.
Bæjarráð samþykkir erindið og felur sviðssstjóra félagsþjónustu- og fræðslusviðs að vinna málið áfram.
13. Uppfærsla á fjárhagsbókhaldi - 2106054
Lögð fram beiðni um viðauka við fjárhagsáætlun 2021 að fjárhæð 1.900.000 kr. vegna uppfærslu á fjárhagskerfum.
Bæjarráð samþykkir viðaukann og að hann verði fjármagnaður með lækkun á handbæru fé.
14. Launaþróun sveitarfélaga - 2106012
Minnisblað sviðsstjóra kjarasviðs Samband íslenskra sveitarfélaga um launaþróun sveitarfélaga er lagt fram til kynningar.
15. Fundargerðir - Samband íslenskra sveitarfélaga 2021 - 2102009
Fundargerð 898. fundar stjórnar Sambands íslenskra sveitarfélaga, dags 28. maí 2021, er lögð fram til kynningar.
16. Skipulagsnefnd - 86 - 2105005F
Fundargerðin er lögð fram til kynningar.
17. Skipulagsnefnd - 87 - 2105014F
Fundargerðin er lögð fram til kynningar.
18. Fræðslunefnd - 110 - 2106002F
Fundargerðin er lögð fram til kynningar.
19. Hafnarstjórn Grindavíkur - 477 - 2105009F
Fundargerðin er lögð fram til kynningar.
Fleira ekki gert. Fundi slitið kl. 17:35.