Pínu litla gula hænan til Grindavíkur í ágúst

• Menningarfréttir
• 8. júní 2021

Leikhópurinn Lotta kemur í heimsókn til Grindavíkur þriðjudaginn 17. ágúst kl. 17:00 (ekki 10. júní eins og áður hafði verið auglýst) með ævintýralegt skemmtiatriði fyrir alla fjölskylduna. Áhorfendur geta notið sýningarinnar að kostnaðarlausu.

Það verður aðeins annar bragur á Lottu í sumar, sökum Covid gátu þau ekki búið til glænýjan íslenskan söngleik í fullri lengd líkt og vanalega, þau hafa þó ekki setið auðum höndum og koma nú til okkar með frábæra söngvasyrpu stútfulla af sprelli og fjöri fyrir allan aldur.

Í sumar ferðast Leikhópurinn Lotta um landið með skemmtilegt atriði unnið uppúr Litlu gulu hænunni sem þau sýndu árið 2015. Fjórir þekktir Lottu leikarar mæta á svæðið með frábært 25 mínútna skemmtiatriði prýtt fallegum boðskap, frábærum húmor að hætti Lottu og góðum lögum. Sjáumst vonandi sem flest á Pínulitlu gulu hænunni.

• Síðast uppfært: 8. júní 2021